Апрель зурул 11-нний Калугаллал областьрай Медынь шагьрулий арамтуннал ва хъаннил дянив хьунни «лайт» тIисса универсал бияврил Аьрасатнал чемпионат. Чемпионатрай гьуртту хьусса Дагъусттаннал УФСИН-лул зузалт мусил ва арцул медаллащал зана хьунни.
Аьрасатнал чемпионнал цIа ласун бяст-ччаллий увккунни 200 спортсмен. Ва ягинсса бяст-ччалливу цалва бюхъу-гьунар ккаккан бувну, жулва жагьилтал финалданувун багьунни. 95 килораяр ххишаласса кIушиву думиннаву ххув хьуну чемпионнал цIа ларсунни Дагъусттаннал УФСИН-лул зузала, виваллил службалул лейтенант Хайбулла МахIаммадовлул. 90 килорал кIушиву дусса спортсментураву кIилчинсса кIану бувгьунни Дагъусттаннал УФСИН-лул зузала, виваллил службалул хъунама лейтенант Аслан Кьурбановлул. Ва чемпионатрай хьхьичIунсса кIанттурду бувгьуми бувххунни «лайт» универсал бияврил Аьрасатнал цачIундур командалувун, уттиния тихуннай хьунтIисса дунияллул халкьуннал дянивсса бяст-ччаллаву гьуртту хьун. Чемпионатрай хьхьичIунсса кIанттурду бувгьуминнан Аьрасатнал спортрал министерствалул чулуха дуллунни медаллу ва дипломру.
Дагъусттаннал УФСИН-лул пресс-служба
ХIадур бувссар
А. Аьбдуллаевал
