ДР-лий промышленностьрал комиссиялувусса импортозамещениялул хахливу Бущихъиял райондалий Бущихъиял шяраву бувунни яттил дикIул переработкалул цех. Му хъанахъиссар инвестициялул проект «АгроДагИталия» ООО инвестициярдал проект дузрайн дуккан даврил 1-мур ятIап.

ХIасан Аьдилов
Му цех буллай байбивхьуссар гьашину августрал 25-нний. Ганил проектрал кьуват хъанахъиссар гьантлий 500 бакI. 50 инсан зузисса предприятие щаллу бувну бур Аьрасатнал, Германиянал ва Италиянал кьай-кьуйлул ва цIанасса ппурттуву итадакьлай бур циняв журардал полуфабрикатру. Утти буллан най бур ятту биххай цех, му цех бувну махъ предприятие зунтIиссар щаллусса каширду ишла дуллай ва дикIул переработка дуллантIиссар лагмасса 4 райондалия: Ахвахуллал, Бущихъиял, Гумбетуллал ва ЦIумадиял районная дуркIсса дикIулсса. Ми районнай бур сайки 500 азарва бакI яттил, гьар шинах биххайсса бур 200-250 бакI яттил. Ятту биххай цех бувну къуртал бан тIий бур 2016 шинал августрай. Проектрал багьа бур 150 млн. къуруширттал.
Декабрьданул 10-нний му предприятиялийн увкIун ур шяраваллил хозяйствалул министрнал хъиривчу Шамил БахIарчиев. Га кIул хьунни цехрал даврищал, ихтилат бунни ганил каялувчинащал ва зузалтращал. Переработка дурсса яттил дикIул багьа бикIан тIий бур 400-нния 900 къурушрайн биянцIа. Мукунсса импортрал продуктру дуссар тIар 2000-къурушраяр къачанну.
Ва предприятиялул продукция дахлантIиссар жулла республикалий ва дазул кьатIув.