Шамилчинсса шинни Ккуллал райондалийсса школардал дуклаки оьрчIал дянив ва цIанилусса конкурс буллай. Гьашинугу, хьхьичIми шиннардий кунма, конкурс бунни ЧIяйннал школалул хIаятраву. Шикку гьуртту хьунни 10 школалул командартту.

Ца-ца командалуву бия 2 оьрчI ва 2 душ, 10 шинавун бивсса. ОьрчIан, велосипедрай бигьлай, ккаккан дуван багьлай бия цанна ххуллул правиларду кIулшиву. Гьуртту хъанай бия цинявппагу 44 дуклаки оьрчI.
Лавсъсса баллу хIисав бувсса чIумал, 1-мур кIану бувгьуна Хъювхъиял школалул, 2-мур кIану – Ккуллал 1-мур школалул, 3-мур кIану – ЧIяйннал школалул.