Закондалий бакъа наркотикру баххаврийн ва террорданийн къаршисса райондалул администрациялул комиссиялул дан ккаккан дурсса давурттал лагрулуву, ОьрчIащалсса ва жагьилтуращалсса даврил отделданул, военкоматращал цачIуну, вай гьантрай КIундиннал школалий сакин дунни дуклаки оьрчIащалсса хьунабакьаву. Муний гьуртту хьунни ххюцIалунниха ливчусса чIаважагьилтал.
Аькьлу-кIулши цалий дацIан дурасса, хасият хьхьарасса оьрчIру экстремистурал хъяврин бувну «вацIлул кьюкьравун» бакIрайн багьлагьаврийн ва муния мюхчан баврийн багьайсса ихтилатру бунни райондалул ОьрчIащалсса ва жагьилтуращалсса даврил отделданул каялувчи МахIаммад Гадаевлул ва Лакрал ва Ккуллал аьрали комиссариатрал отделданул каялувчи Ажуб Юсуповлул.
