Хъунмасса Буттал КIанттул цIанийсса дяъвилуву цумур миллатрал цими инсан лайкь хьуссарив Виричунал цIанин: 

1. Оьруснал – 8 166 виричу
2. Украиннал – 2 069
3. Белорусснал – 309
4. Татарнал – 169
5. ЖугьутIнал – 108
6. Къазахнал – 96
7. Гуржиял – 90
8. УзбакIнал – 69
9. Молдавиянал – 61
10. Чувашнал – 44
11. Азирбижаннал – 43
12. Башкирнал – 39
13. АьсатIиннал – 32
14. Туркманнал – 18
15. Литванал – 15
16. ТаджикIнал – 14
17. Латвиянал – 13
18. Къиргъизнал – 12
19. Эстоннал – 9
20. Чачаннал – 6
21. Ингушнал – 4
Вай миллатирттал Вирттаврал сияхIраву Дагъусттаннал Вирттаврая цичIав чивчуну бакъая, 1994 шиналсса, «Аргументы и факты» тIисса кказит­рай. На ва макьалалиясса сияхI кьуркьуну, ядуллай уссияв, ай, балики, аьркин хьурчангу тIий.
Утти 70 шин Ххувшаврил байран най духьувкун, ттун пикри хьунни жулва Дагъус­ттаннаясса 63 Виричу ушиву чичин. Бюхъай кIай ялув кIицI лавгсса миллатирттавун Дагъусттаннай бувсса, хъуни хьусса оьрус, украин, белорус, жугьутI, армян, азирбижан, чачан, гуржи ва цаймигу миллатругу багьну бикIан. Амма, щак бакъа, кIа сияхIраву Дагъусттан 9-мур кIанттай бивкIссар. Улу ца лакрал кIикку 20-чинмур кIану бугьлай бур, Эстоннал хъирив.
Агана халкь хIисаврай цими азара агьалинан ца Виричув хIисав хъанай урив ккаккарчан, лакрал миллат мукун­сса сияхIраву 1-сса кIанттай бикIаншиврийн на мукIруну ура, му мукуншивугу ттуща чIалачIи буван бюхъанссар.