МахIачкъалаллал бакIчи МахIаммад Сулаймановлул амрулийну, Буттал КIанттул цIанийсса Хъунмасса дяъвилий Ххувшаву ларсун 70 шин хъанахъисса юбилейрал хьунийн шагьрулий дусса циняр гьайкаллу ва мемориалданул уларду низамрайн дурцуну, хьхьуниву миннул лагма-ялтту чани лахъансса давурттив най дур.
Шагьрулул ЖКХ-лул зузалт цIанасса ппурттуву ттукIрал давурттаха зий бур МахIачкъала-Каспийск хъунххуллул шанбачIулий дирхьусса Ватан Дуруччун хасъсса гьайкалданучIа. Ва идаралул каялувчи Зубайру Мустапаевлул бусаврийну, вай давуртту нантIиссар байрандалийн хIадур хъанахъисса чIумул дяниву.
