Апрель зурул 8-нний жул аьзизсса нину, ЦIуссаккуллал шяравасса Аминат Даххаева бувсса кьини дур. Дунияллул неъматру жун тIивтIусса, жул оьрму чанна буллалисса аьзизсса дадай! ДакIнийхтуну барча тIий буру вихь ина дунияллийн бувксса кьини! Ва кьинир жул оьрмулуву яла ххаримур ва яла чаннамур.
Дадай, ина жу хъуни буллай хъунмасса захIмат бувссар. Жу цинявппа, зунттал аьдатирттай тарбиягу бувну, оьрмулул ххуллийн бивчуссару. Вил дазу-зума дакъасса ччаврилгу, буххаву къакIулсса аякьалулгу бувссар жуяту яхI-къирият дусса инсантал.
Вай гъилисса, чаннасса интнил гьантрай чIа тIий буру вин лахъисса, цIуллу-цIакьсса оьрму, чIярусса ххаришивуртту.
Дадай, тачIав чан къахьуннав вил симандалия пиш, ина вилва наслулул ххари буллай личIаннав бусса оьрмулий.
Муданмагу вийн
икрамрайсса оьрчIру
ва оьрчIал оьрчIру
——————————-
Апрель зурул 10-нний увну ур ДР-лул УФСИН-далул хъунама, генерал-майор Муслим МахIаммадович Даххаев.
ХIурмат бусса Муслим МахIаммадович!
ДакIнийхтуну барча тIий буру ина увсса ххарисса кьини. ЧIа тIий буру вин цIуллушиву, гьарица дуллалимуниву тIайлабацIу. Бивзний ша бакьлай, бувсний махъ бацIлай, вилла дакIнин ччийкун итаннав бусса оьрмулий.
Дустал,
даврил уртакьтал
