Фашистътурал Германиянащалсса дяъвилий Ххувшаву ларсун 70 шин хъанахъисса юбилейрал хьунийн МахIачкъала шагьрулул бакIчи МахIаммад Сулаймановлул цащава шайсса ххуйсса чирилул кумаг бунни МахIачкъалаллал дяъвилул, захIматрал, аьралий гужирдал ва виваллил иширттал органнал Ветерантурал советран.
Шиккува кIицI лаган, Ветерантурал советрал ва жяматийсса сакиншиннардил вакилтал гьурттусса пленумрай ххалбивгьуну бивкIссар советрал дуллалисса давуртту, масъалартту ва жагьилмур ник тарбия дувавриву дуллалисса гьурттушинна. Ва пленумрай Ветерантурал советрал Фондрал председатель НухIкьади Лукьмановлул бувсун бур «Дагестан» банк лакьаврицIун ветерантурал сакиншиннаран хьунадаркьусса захIматшивурттая, Советрал маэшатрал тагьар кIюла дуккаврия.
Ва иширал хъирив лаян бакIрайн лавсун бивкIссар шагьрулул бакIчинал. Вана утти ванал хIукмулийну шагьрулул ветерантурах къулагъас дувансса, вай ялун нанисса байрандалущал барча буван бюхъантIисса каширду дуну Советрахь
Ветерантурал советрал председатель ХIусайн ХIусайновлул, Шагьрулул БакIчи ва ДР-лул Шахматирттал федерациялул президент МахIаммад Сулаймановлухь барчаллагьрал махъру тIий, кIицI лавгунни, гьарцагу ветераннан бусравсса ва байрандалул хьунийн Советрал дувансса давурттив бакIуйн дуккан дувансса умуд цIакь хьушиву.
Мукунма ХIусайн ХIусайновлул хъами-ветерантал Мяйлчинмур мартрал байрандалущал барча буллай, чIа укунни вайннан цIуллушиву, талихI ва тирхханну.
