Барз ва бачIи ливчIун бур жулва хъуншагьрулий Ххувшаврил юбилейрал шадлугърайнсса хIадуршиннардаха зун. Шагьрулул хасъсса къуллугъру булувкьуну зий бур архитектуралул ва тарихрал гьайкаллу дакьин дуллай, кIичIиртту, скверду ва паркру лази-лакьи буллай.
МахIачкъалаллал халкьуннан ца яла ххира хьусса Лениннул цIанийсса паркравугу вай гьантрай дуллай байбивхьунни цаппарасса давурттив. Дакьин дуллан бивкIунни паркрал дязаннивсса фонтан. Дан ккаккан дурсса давурттал лагрулуву хьхьичIва-хьхьичI баххана бан тIий бур фонтандалучIансса аьрщаравухсса бургъурду, гидроизоляция ва цIудан тIий бур ялтту даркьусса плитка. МахIачкъалаллал паркирдал дирекциялул хъунаманал бусаврийну, Лениннул цIанийсса паркравусса давурттив апрельданул 15-ннин къуртал дан ккаккан дурну дур.
Октябрьданул 50 шинал паркраву цIана дайдирхьуну дур хъункIултIутIал 500 къатIа бугьлагьисса давурттив.
Лагма-ялтту ялапар хъанахъисса халкьуннан ца яла ххирасса ва паркраву шяраваллил дуки-хIачIия дахлахисса ярмаркарду дуллалаврин къадагъа дишара тIисса хIат-хIисав дакъасса аьрзарду букIлан бивкIун махъ, шагьрулул администрациялул хIукму бувссар уттиния тихуннай паркраву дахху-ласулул ярмаркарду къадуллан.
