Жул ххирасса, аьзизсса уссу Явсупа!
Жу, вил ссурвал ва жул оьрчIру, барча дуллай буру ина дунияллийн увксса кьини. ДакIнийхтуну чIа тIий буру, уссу, жу вин цалчин цIуллушиву, дакIниймур бартлаганнав, давриву хьхьичIуннайшивуртту хьуннав.
Вингу, вил ххирасса кулпат Итнайнгу чIяру даннав ххаришивуртту, зу зулва ххуйсса душваралгу, ца акъа-акъасса оьрчIалгу ххари буллай личIаннав.
Жул ялтту бивтсса гъили баргъ,
ЦIан хьхьу чанна дай цIубарз.
Виха дуаьлийсса вил ссурвал Женя, Муъминат,
Загьраул ва жул оьрчIру
———————————————
ДакIнийхтуну барча дуллай буру Цалчинмур ЦIувкIратусса ХIусманнул ва Салисатлул душ ХIажиева Сакинатлул юбилей.
ЧIа тIий буру цIакьсса цIуллушиву, талихI, тирхханну ва хъуни-хъунисса ххаришивуртту. Вил дакIнийцири мурадру бартлаганнав, оьрмулул ва наслулул ххари булланнав. Гьарца дуллалисса давривугу тIайлабацIу баннав, дуллалимуницIун Аллагьналгу кабакьиннав. Ина жун чан къабаннав, вилла аьчухсса дакIниха лавхьхьусса бутIа булуннав вин Занналгу. Хъиншивуртту ялун дияннав.
Виха дуаьлийсса ласнал нину ПатIимат, арсру ва миннал кулпатру, гъан-маччами, хIаласалт
———————————————
ДакIнийхтуну барча дуллай ура Шаллал шяраваллил цIа лахъ дуллалисса аьлимчу, Маммал арс Султанав Мирзаев ниттил увсса кьини.
Султанав шяраваллил жагьилтурал эбратрансса, хъуниминнал хIурмат бусса, мюрщими ххирасса инсан ур, ччя-ччяни шяравунгу ияй, шийсса агьалинал дакIру рахIат дукканну хавардугу бусай. Султанавл кулпатгу бавкьусса, шяраву сийлийсса бур.
ЦIуллушиву дулуннав вихьхьун, ххаллилсса буттал арс!
Яруссаннаву, ЧIарадиял райондалийсса Шаллал тарих авадан бувансса каши ва кьудрат чIа тIий буру.
ХIасанов Тажуттин,
Шаллал шяраваллил мизитрал имам
