ДакIнийхтуну барчагу буллай, барачат буллай буру жула редакциялул зузала, уртакь Руслан Къардашовлул ва ванал кулпат Сапижатлул кулпатраву хьусса цалчинсса ххаришиву – душ Асиятлул ва ванил язи увгьусса гьалмагъайл Арсеннул уттигъанну бувсса ташу.
ЧIа тIий буру зун ниттиха лавхьхьусса душру, буттаха лавхьхьусса арсру хъуни буллансса паракьатсса, буллугъсса, муси ссуслансса, сими тIатIлансса, кунная куннал щалиххансса лахъисса оьрму. Хьуннав зуяту цайми жагьилсса кулпатирттал эбрат ласлансса хIакьсса кулпат.
Ахир хайрданийн дукканнав, дайдихьунияр дайлитIу ххарисса хьуннав.
«Илчи» кказитрал коллектив, цинявппагу зу ххирами
————————————————————————-
Архну зунттаву уртту-тIутIава нанисса марцIсса гьаварая неъмат-гьавас ласласисса, буттал кIанугу, лакку тIабиаьтгу цан ххирасса, цацIунгу даркьусса жула одноклассник Дандамаев Руслан Сократлул арс барча уллай уттигъанну хьусса яла ххуймур юбилейращал, чIа тIий буру авкьатсса зунттал куннасса цIуллушиву, ххяллал куннасса оьрму лахъишиву, кулпатраву марцIсса щаращал куннасса нахIу-хIалимшиву.
Ина вила дакIнин ччийкун итаннав ххирасса Заннал. Вил бигьа бакъасса захIматрал барачат ххи баннав кIилийну, жул акъа чара бакъасса дус-ихтивар, Руслан!
Цинявппагу вищал
дуклай бивкIми
