ДР-лул ЗахIматрал ва социал иширттал министерствалул кка­ккиярттайн бувну, ва министерствалул хъуннасса аякьа дуллай бур Совет Союзрал Вирттавраха.

2011 шинал апрельданул 1-нин ДР-лий яхъанай ия 1 Совет Союзрал Виричу ва 1 Аьрасатнал Федерациялул Виричу – Хъун дяъвилул ветерантал. Миннан щаллуну буллай буссар федерал законналгу, республикалул законналгу ккаккан бувсса ка-кумаг.
2010 шинал апрельданул 8-нний кьамул бувсса ДР-лул Президентнал ХIукмулийну («О дополнителных мерах по улучшению материального обеспечения участников Великой Отечественной войны 1941-1945 годов и бывших несовершеннолетних узников концлагерей, гетто и других мест принудительного содержания, созданных фашистами и их союзниками в период Второй мировой войны») гьарца шинах Ххувшаврил кьинилул савлугъиннаран Совет Союзрал Виричунан ва Аьрасатнал Федерациялул Виричунан – 1941-1945 шиннардил Хъун дяъвилул ветерантуран дуллай бур 250 азарда къуруш гьарцаннан.
ХьхьичIвагу ЗахIматрал ва социал иширттал министерствалул микссара 250 азарда къуруш дуллуссар Вирттавран Я. М. Сулаймановлун ва М.У. ХIамзатовлун оьрмулул 90 шин шаврил юбилейрал савлугъиннаран.
Мукунна 2013 шинал декабрьданул 9-нний Ватандалул Вир­ттаврал Кьинилун хасъсса байран дуллалийни ДР-лул ХIукуматрал Председательнал 1-ма хъиривчу А. Карибовлул цIакь дурссар га Кьинилун хас дурсса мероприятияртту. КIай мероприятияртту дурссар Дагъусттаннай га кьини ДР-лул исполнительный властьрал вакилталгу гьурттуну. Совет Союзрал Вирттаврал ва Аьрасатнал Федерациялул Вирттал бувччусса кIанттурдайн лавгссар тIутIив дишин.
Миннуяр ххишала МахIач­къалаллал администрациялул ва ЗахIматрал ва социал иширттал министерствалул, Республикалул каялувчиталгу гьурттуну, тIутIив дирхьуссар шадлугърал тагьардануву МахIачкъалалив Лениннул комсомолданувусса Вирттаврал Аллеялий.
ДР-лул ЗахIматрал ва социал иширттал министерствалул Аьрасатнал Федерациялул Вир­ттавран ва Социалист ЗахIматрал Вирттавран тIайла дурккун диркIссар Дагъусттан Респуб­ликалул БакIчинал чулухасса барча бавуртту.
ДР-лул ХIукуматрал хIук­­мулийн бувну, ДР-лул ХIукуматрал луртандалул фондравату Дагъус­ттаннал Совет Союзрал Вир­ттавран, Аьрасатнал Федерациялул Вирттавран ва Социалист ЗахIматрал Вирттавран кумаг хIисаврай дуллуссар гьарцаннан 55 азарда къуруш.
Министрнан кIанайма
З. А. Багомедов
ХIадур бувссар ХI. Аьдиловлул