Тамара Чиненная бивтунни Дагъусттан Республикалул Президентнал ва ХIукуматрал Прессалул къуллугърал каялувчину
Т.Ю. Чиненная бувссар 1976 шинал МахIачкъалалив. 1993 шинал зий бивкIссар «Молодежь Дагестана» кказитрал корреспондентну.
1999 шинал хьхьичIунну къуртал бувссар ДГУ-рал журналистикалул отделение.
2003-2013 шиннардий зий бивкIссар ВГТРК-лий личIи-личIисса къуллугъирттай.
2009 шинал МГУ-рай дурурччуссар журналистикалул хIакъиравусса элмурдал кандидатшиврийнсса диссертация.
2013 шинал бивтссар ДР-лул печатьрал ва информациялул министрнал хъиривчуну. Ванил чирчуссар 30-яр чIярусса элмийсса макьалартту ва монографияртту.
•Дагъусттаннал бакIчи Рамазан АьбдуллатIиповлул хIукмулийну, Ибрагьим Ибрагьимов ивтунни Республикалул бакIчинал Зунттал округрайсса вакилну. Ванал резиденция буссар Хъунзахъиял шяраву.
Ибрагьим Ибрагьимов увссар 1963 шинал Советский райондалул Урадиял шяраву.
2007 шиная цIанасса чIумалнин зий ивкIссар ДР-лул ФСКН-далул управлениялул хъунаманал хъиривчуну.
•ДР-лул бакIчи Рамазан АьбдуллатIиповлул хIукмулийн бувну, Вячеслав Паламарчук ивтунни Республикалул бакIчинал Ухссавнил округрайсса вакилну. Ванал резиденция бувну бур Къизлардай.
Вячеслав Паламарчук увссар 1946 шинал Грознайлий.
2005 шиная шинай цIанасса чIумалнин зий ивкIссар депутатътурал собраниялул председательну, Къизлар шагьрулул бакIчину.
•ДР-лул бакIчи Рамазан АьбдуллатIиповлул ХIукмулийн бувну, Мусаэфенди Велимурадов январьданул 1-нния шинай ивтунни Республикалул бакIчинал Кьиблалул округрайсса вакилну. Ванал резиденция бикIантIиссар Дарбантлив. Мусаэфенди Велимурадов увссар 1956 шинал МахIарамккантуллал райондалий Чах-Чахуллал шяраву.
2010 шиная шинай зий ивкIссар МахIарамккантуллал райондалул бакIчину.
•Дагъусттаннал бакIчинал хIукмулийну, Шамил Зайналов ивтунни Республикалул бакIчинал Дагъусттан Республикалул дянивмур округрал вакилну.
Шамил МахIаммадович Зайналов увссар 1976 шинал Хасавюрт шагьрулий.
2011 шиная цIанасса чIумалнин ивкIссар ДР-лул Халкьуннал Мажлисрал депутатну.
