КIулсса куццуй, Аьрасатнаву бувчIавуртту дувайсса кьинину ккаккан дурунни сентябрь зурул кIилчинмур алхIат кьини. Гьашину му тIайла дацIлай дур 8 сентябрьданийн. Ккуллал райондалий му кьини дикIан тIий дур кIира журалул бувчIавуртту: Ккуллал райондалул муниципал сакиншиннарал хъунама увчIлачIисса ва Хъусращиял шяраваллил муниципал сакиншиннарал хъунама увчIлачIисса бувчIавуртту.
Июльданул 21-сса кьини диркIссар махъра-махъсса, бувчIавурттавух гьуртту хьун ччиманал документру кьамул бувайсса кьинину. Июльданул 22-нний Ккуллал райондалул бувчIавуртту дувай комиссиялул хъунама АхIмадов МахIаммад Нураттиновичлул ттухьхьун дуллуна ялув кIицI дурсса бувчIавурттавух гьуртту хъанахъисса кандидатътурал сияхI. Нагу кIул буллай ура жула кказит буккулт му сияхIращал.

Ккуллал райондалул муниципал сакиншиннарал хъунаманал къуллугърай бацIан ччисса кандидатътал.
1. Аьлиев Халид ХIади­сович,1965 шинал увсса, ларайсса кIулшиву дусса, Аьрасатнал Дагъусттаннайсса ГУ МЧС-рал ОМТО-лул хъунама, яхъанахъисса Ккуллал шяраву.
2. ХIабибуллаев Шамил Валиевич, 1966 шинал ув­сса, ларайсса кIулшиву дусса, ишбажаранчи, яхъанахъисса Ахъушиял райондалийсса Бархъаллал шяраву.
3. ХIасанов Юсуп Сяидович, 1962 шинал увсса, ларайсса кIулшиву дусса, Да­гъусттаннал шяраваллил хозяйствардал министерствалийсса отделданул хъунама, яхъанахъисса Ккуллал шяраву.
4. Гуйдалаев ХIамзат Сяидович, 1983 шинал ув­сса, ларайсса кIулшиву дусса, Ккуллал райондалул депутатътурал собраниялул председатель, яхъанахъисса Вихьуллал шяраву.
5. МахIаммадов Аьв­дурахIман Кьурбанович, 1955 шинал увсса, ларайсса кIулшиву дусса, Дагъусттаннал ОПФР профкомрал Председатель, яхъанахъисса Ккуллал шяраву.
6. МахIаммадов Ися Рамазанович,1970 шинал ув­сса, ларайсса кIулшиву дусса, Ккуллал райондалийсса УФМС хъунама давучи-эксперт, яхъанахъисса ЧIяйннал шяраву.
7. Маммаев Исмай Аьбдуллаевич, 1965 шинал увсса, ларайсса кIулшиву дусса, СПСКД филиалданул ОАО «РЖД»-лул директор, яхъанахъисса Ккуллал шяраву.
8.ХIусманов Ажуб Халидович,1966 шинал увсса, ларайсса кIулшиву дусса, чIумуйну къазузисса, яхъана­хъисса Ккуллал шяраву.
9. Сулайманов Сяид ХIасниевич, 1956 шинал ув­сса, ларайсса кIулшиву дусса, Ккуллал райондалул муниципал сакиншиннарал хъунама, яхъанахъисса Ваччиял шяраву.

Хъусращиял шяраваллил муниципал сакиншиннарал хъунаманал къуллугърай бацIан ччисса кандидатътал.
1. Валиев Аьбдуллагь Дамаданович, 1961 шинал увсса, ларайсса кIулшиву дусса, Ккуллал райондалул «СЭЗ» идаралул технадзор, яхъанахъисса Хъусращиял шяраву
2. Гъазиев Аьбдул Шуаьйевич, 1977 шинал увсса, ларай­сса кIулшиву дусса, Хъусращиял шяраваллил муниципал сакиншиннарал хъунама, яхъанахъи­сса Хъусращиял шяраву.
3. Кантаев Багъдан Рамазанович, 1955-шинал увсса, дянивсса профессионал кIулшиву дусса, Ккуллал райондалийсса ФГБУ-лул Кадастралул отделданул хъунама, яхъанахъисса Хъусращиял шяраву.
4. Оьмаров Оьмар Кьурбанзагьидович, 1985 шинал увсса, ларайсса кIулшиву дусса, ООО «Унисервис» идаралул водитель, яхъанахъисса Хъусращиял шяраву.
5. Сулиев Мирза Аьбдуллагьович, 1974 шинал увсса, ларайсса кIулшиву дусса, чIумуйну зукъазисса, яхъанахъисса Хъусращиял шяраву.