«Илчилул» редакциялул баян бувну буссия ЦIахъардал Къуманиву дацIан дурсса Гьарун Саэдовлул гьайкал цIу дуккан дуллай бушиву. Ва давриву чIарав бавцIунни Ваччиял жяматгу.Вай гьантрай «Илчилул» редакциялий уссия Ваччиял шяраваллил Гьарун Саэдовлул цIанийсса фондрал бакIчи Давди Увайсов. Жул дянивсса ихтилатрал мурадгу бия Гьарун Саэдовлул гьайкал цIу дуккан даврицIун бавхIусса. Яларай ришлай буру Гьарун Саэдовлул цIанийсса фондрал чулухасса...
Итникьини, июнь зурул 22-нний Гъумук Буттал кIанттул цIанийсса Хъунмасса дяъвилия зана къавхьуминнан дацIан дурсса гьайкалданучIа хьунни Хъун дяъви байбивхьусса кьинилун хас дурсса митинг. Ва кьини 85 шинал хьхьичI байбивхьуссар инсаниятрал тарихраву яла оьттул ттур дуркмур дяъви. Та дяъвилул ливтIуссар 27 миллион совет халкьуннал. Ваний гьуртту хьуна райондалул администрациялул зузалт ва идарарттал каялувчитал. Митинг дайдирхьуна аьрайва...
Республикалул медициналул идарарттаву МахIачкъалаллал клиникалул азарханалул (Портрал азархана) хьхьичIунсса кIану бугьлай бур. Азарханалул хъунама хIакиннугу ур Ккуллал шяравасса Кьурбаннул ва ЦIуйшиял шяравасса Светланал арс АхIмад Аьлиев. Ва азархана бувну бур ларгсса ттуршукулул 70-ку шиннардий. Ва тIитIлатIисса шадлугърайсса батIаву хьуну дур майрал 14-нний 1974-ку шинал. Цалчинсса къашайшалтгу кьамул бувну бур вара чIумал. Азархана бавриха зий бивкIун...
Вай гьантрай жучIа редакциялий буссия ГьунчIукьатIрал шяраватусса, Азирбижаннаву, Бакуй, яхъанахъисса ТIагьирдул душ ПатIимат Штанчаева. Гьунар бусса шаэр, сий дусса хъамитайпа, личIи-личIисса наградарттан лайкь хьусса хIакин. Буттал кIанттуя ябувцун, чил кIанттай яхъанансса кьадар нясив бувсса ПатIиматлул сайки щала творчествамур буттахъал билаятран хас дурсса дур. Ванил мукъурттийсса балайрду учай тамансса лакрал балайчитурал. 2022 шинал итабавкьунни шеърирдал цалчинсса...
Вай гьантрай Дагъусттаннал ХIукуматрал председатель МахIаммад Рамазанов хьунаавкьунни «Росатом Возобновляемая энергия» АО-лул гендиректор Григорий Назаровлущал. Премьер-министрнал компаниялул каялувчитурахь барчаллагь увкунни ЦIуссалакрал райондалийсса ВЭС-рал (мурчай электростанциялул) проект мюнпат буну ва ккаккиялунну дузрайн дуккан даврихлу. 2025 шинал декабрь зуруй цалчинмур этапрай ВЭС-рал буллалисса электроэнергия Дагъусттаннал энергосистемалувун бачин бувссар. – Гьашинусса шиналсса пландалуву буссар ВЭС-рал даву сантирайн руртуну...
«Илчилул» редакциялул ва ххуллухьсса хъамаличуну хьунни Дагъусттан Республикалийсса Аьрасатнал Роспотребнадзорданул управлениялул каялувчи, Республикалул санитариялул хъунама хIакин Мирзал арс Залимхан Оьмариев. Залимханнущалсса жул ихтилатгу хьунни марцIсса лакку мазрайсса. ДакI ххари хъанай дия, Лаккуй увсса, хъуна хьусса акъанугу, ванаву мазрахсса ччавугу, буттал аьрщарахсса мякьгу ххишаласса бушиврул. – Залимхан, байбихьулий буси виятува, оьрмулул ххуллу-ххуттая. – Увссара на 1987...
Июньдалул 16-нний Поэзиялул театрдануву хьунни Дагъусттаннал культуралул лайкь хьусса зузала, шаэр, Дагъусттаннал Чичултрал союзрал председательнал хъиривчу ва Лакрал литературалул секциялул хъунама Супиян Оьмаровлул творчествалул вечер. Зал щапI куну бувцIуну бия, инсаннал ша бизансса кIану бакъа, лув бишай кIантту биривну тIайлабацIу хьуми фоейлуву щябивкIун бия. Бия бавцIунува тамаша бувссагу. Поэззиялул театрданул директор Елена Гьаруновал кIицI...
Ва барз байбивхьусса гьантрай Дагъусттаннал лайкь хьусса артист Ссухъиящатусса МахIадов Оьмардул творчествалул вечер хьунни лахъа-хъунсса даражалий. 2023 шиналгу дурссия ванал 65 шинал юбилейран ва сахIналий 45 шин шаврин хас дурсса вечер. ХIакьинусса жул редакциялул хъамаличугу НухIкьадинал арс Оьмар МахIадоври. – Оьмар, буси кутIану бунугу вила оьрмулул ххуллия, инава музыкалухун машхул шаврия. – На, Вихьлив школагу...
Лакрал райондалул бакIчи Зураб Куччаевлул сипталий ххуллункьини гьарца щархъаву ларайсса сакиншиндарай хьунни хъуннасса субботник. Сайки кIира нюжмар ларгуна сакиншиндарал комитет ва субботникрайн хIадур хъанай. Давурттал лагру ва идарарттал гуж хIисав бувну, гьарца коллективран ккаккан бувну бия лакьинсса кIанттурду. Райондалул Телеграм ва МАКС каналлайгу гьарца кьини цIу дуклай дия агьалинавун гьавас бутансса, хъярч-махсаралийнусса баян бавуртту, оьвчавуртту....
Архсса зунттал шяраваллаву дяъвилул ва дяъвилия махъсса захIматсса, кьянатсса шиннардий школагу къурал бувну, чIарав ацIансса, кумаг бансса акъанува, цала хIарачатрайну, яхIирайну ва бюхъу-бажарданийну институтругу къуртал бувну, цIанихсса аьлимтал, лавайсса даражалул пишакартал хьусса хIакинтал, медициналул элмулул корифейтал, лакраву чансса бакъар. Медициналул зузалал кьини хIурматрай дакIнин бичин ччива халкьуннал цIуллу-сагъшиву дуруччаврил тарихраву бусраврай цала цIарду кьариртсса цаппара...
