Дуккаврил шин къуртал дуллай, май зурул 21-нний республикалул чIявуми школарттай бивщунни Махъва-махъсса гюнгутIи. ЦIуссалакрал райондалул 23-гу школалий, гьар мудан кунна, лавайсса даражалий хьунни дуклаки оьрчIру школалущал личIи хъанахъисса, ххариссагу, пашманссагу асарду хIала бувхсса, байранну. Гьашину Ц1уссалакрал райондалий Махъва-махъ­сса гюнгутIи бивщунни 11-мур класс къуртал бувсса 192 оьрчIан ва 9-мур класс къуртал бувсса 512 оьрчIан. Школа къуртал...

Апрель зурул 27-нний ЦIуминалийсса ЦIуссалакрал райондалий Чапаево шяраваллил 2-мур школалий тIиртIунни «Движение первых» тIисса Аьрасатнал оьрчIал ва жагьилтурал суккушиндарал отделение. ДакIнийн бутанну, «Движение первых» тIисса Аьрасатнал жагьилтурал ва оьрчIал суккушинна сакин дуршиву Аьрасатнал Президентнал 2020 шинал бувсса хIукмулийн бувну. ХIакьинусса кьини ва суккушиндаравун бухлай бур 400-нийн бивсса дуккаврил идарартту. Жагьилтурансса суккушинна хIасул даврил агьаммур мурад...

ЦIуссалакрал райондалиясса 500 дуклаки оьрчI гьуртту хьунни «Къиримнал историярду» тIисса Щалагу Аьра­сатнал акциялуву. Ва хьунни «Культура для школьников» тIисса Аьрасатнал Культуралул ва КIулшивуртту дулаврил министерстварттал цачIусса проектрал лагрулий. Акциялуву гьуртту хъанахъисса оьрчIал ккаккан бунни цала гьунарду шанма номинациялуву: «Къиримнахасса назму», «БачIижазиралул тамаша бан бучIисса кIанттурдайнсса цала аьрххилия бусаву» ва «Къиримнал пейзажрал сурат».

ЦIуссалакрал райондалийгу най дуссия Щалагу Аьрасатнаву нанисса «Дети России – 2023» тIисса профилактикалул акция. Акциялул сакиншинначитал хьунни Аьрасатнал Виваллил иширттал, ЦIуллу-сагъшиву дуруччаврил, КIулшивуртту дулаврил министерствартту ва Росмолодежь. Ванил мурад бур балугъравун къабивминнал ва жагьилтурал дянив наркомания ппив хьун къаритаву. Агьалинаща бюхъантIиссар цIа кIицI къадурну цанма кIулсса, наркотикру ппив буллалисса, ишла буллалисса ва ябуллалисса иширттая ЦIуссалакрал...

ЦIуссалакрал райондалиясса дуклаки оьрчIал хьхьичIунсса кIанттурду бувгьунни «Дагъусттаннал автортурал произведенияртту ни­ттил мазрай яла ххуйну бувккума» тIисса гьарица шинах дай­сса республикалул конкурсрай. Шикку гьуртту хьунни республикалул школардал 11-ми кла­ссирттал дуклаки оьрчIру. Конкурсрал мурад бия творчествалул гьунар бусса оьрчIру ялун личин баву, миннавун мукъул искусствалухсса гъира бутаву, дакIнихсса ва чичрулул мазрал культура гьаз даву, художествалул литература дуккаврихух...

Апрель зурул 7-нний Хасавюрт шагьрулул, Хасавюртуллал ва ЦIуссалакрал районнал дянивсса аьралий комиссариатрай хьунни интнил призыврал кампаниялул масъаларттан хас дурсса батIаву. [dropcap]Ш[/dropcap]икку гьуртту хьунни ЦIу­ссалакрал райондалул бакI­чинан кIанайсса Сулайман Рамазанов ва ванал хъиривчу Макьсуд ХIамидов. Апрель зурул 1-нний дайдирхьуссар интнил призыврал кампаниялул даву. [dropcap]В[/dropcap]ания буслай, кIицI лаглай бур аьралуннаву къуллугъ бан буцлацисса жагьилтал СВО нанисса кIанттурдайн...

Апрель зурул 11-нний ДР-лул Халкьуннал Маж­лисрал законналсса, паччахI­лугърал строительствалул­сса, кIанттул цила каялувшиврулсса ва регламентралсса буллалисса комитетрал председатель Артур Исрапиловлул ва ЦIуссалакрал райондалул бакIчинан кIанайсса Сулайман Рамазановлул ххал бивгьунни ЕДДС-рал (дежурный диспетчер къуллугърал) цIусса идара. ЦIусса диспетчер къуллугърал идара бу­ссар ЦIуссалакрал шяраву Мирзоевлул цIанийсса кучалий. ХьхьичIва буссия лекьан нигьачIаву дусса дух хьусса къатраву. Идаралул къатри ххал...