[dropcap]М[/dropcap]ай зурул 29-нний ДР-лул ХIукуматрал Председатель Аьбдулмуслим Аьбдулмуслимовлул каялувшиндарай хьусса заседаниялий ххал бивгьунни цIуллушиву дуруччаврийн багьайсса цаппарасса масъалартту. Совещаниялий сукку бунни мюрщисса оьрчIал цIуллушиву дуруччаврил, цIуллу-сагъшиву дуруччавриха зузисса 1-мур звенорал даву цIу дуккан даврил программалул, медициналул идарартту баврил ва цаймигу масъалартту. Аьбдулмуслим Аьбдулмуслимовлул бувсунни, региондалийсса цаппара медициналул идарарттайн иянсса ва миннул даву ци тагьарданий дуссарив...

ЦIуссалакрал райондалул школарттай дирхьунни Пограничникнал кьинилун хас дурсса дарсру. Пограничникнал кьини жула билаятрай кIицI лагайссар майрал 28-нний. Дарсирдай ккаккан дунни пограничникнал къуллугъраясса видеосюжетру. Дуклаки оьрчIал дурккунни назмурду, увкунни балайрду, дирхьунни суратру. Мукунма оьрчIал хIадур бувну бия кьинилун хасъсса чIирал кказит. Къуллугърал бурж бартбигьлай жанну дуллусса пограничниктурал аьпалун баян бунни минутрайсса пахъ багьаву.

[dropcap]М[/dropcap]ай зурул 26-нний ЦIуссалакрал райондалул цинявппагу школарттай дайдирхьунни Цасса паччахIлугърал экзаменну. Выпускниктурал цалчинсса кьини дуллунни литературалул, химиялул ва географиялул ЕГЭ-рду. Географиялул экзамендалун ккаккан бувсса балл бур 37, литературалул 32 ва химиялул 36. Май зурул 26-нний дуллусса экзаменнал хIасиллу кIул хьунтIиссар июнь зурул 13-нния тийннай. Экзаменну най дикIантIиссар июль зурул 1-ннийнин. ЛичIи-личIисса багьана-сававрттайн бувну экзаменну дулун...

[dropcap]М[/dropcap]ай зурул 30-нний ЦIуссалакрал райондалул 9-ми классирттал выпускниктурал дуллунни обществознаниялул, информатикалул ва ИКТ-лул, георафиялул, ПаччахIлугърал (ОГЭ ва ГВЭ) экзаменну. [dropcap]Э[/dropcap]кзаменну дуллунни ЦIусса­чIурттащиял ва ЦIуссалакрал школарттай тIивтIусса пунктирдаву. ЦIуссачIурттащиял школалий экзаменну дуллунни 250 оьрчIал, ЦIуссалакрал 1-мур школалий — 286 дуклаки оьрчIал. Выпускной экзаменнава дуклаки оьрчIал язи дургьунни цанна дуклан буххайни дучIи хьунтIисса предметру. Информатикалул экзаменну дуллалийни...

Ва гьантрай Дагъусттаннал Жяматийсса палаталул члентурал сияхI цIу дуккан дунни. Закондалийн бувну, Жяматий­сса палаталувун 45 инсан кьамул увайссар, вайннавату 15 инсаннал цIарду рищайссар Дагъусттаннал БакIчинал, вайкссара – Халкьуннал Мажлисрал, ливчIминналсса кка­ккан дурсса кандидатурардава язи дургьуну. Жяматийсса палаталул цIусса члентуравух бур Да­гъусттаннал Хъаннил союзрал хъунмур Интизар Мамутаева, «Лезгинка» ансамбльданул каялувчи Жамбулат МахIаммадов, «Дагъусттаннал правда» кказитрал хъунмур...

[dropcap]М[/dropcap]айрал 30-нний МахIачкъалалив хьунни мушакъатшиву дусса оьрчIал дянивсса «Абилимпикс — 2023» чемпионатрал хIасиллу дуллалисса шадлугърал даражалийсса мажлис. Шиккува кIицI лаган, «Абилимпикс» чемпионатрал даву духлай дур «Профессионалитет» тIисса Федерал проектравун. Чемпионатрай хьхьичIунсса кIанттурду бувгьусса пишакартал барча бан бувкIун бия Республикалул личIи-личIисса министерстварттал ва ведомстварттал вакилтал. «Цинявппагу гьурттучитуран ва хьхьичIунсса кIанттурду бувгьусса пишакартуран чIа тIий бура Аьрасатнаву...