Ва гьантрай Дагъусттаннал Жяматийсса палаталул члентурал сияхI цIу дуккан дунни.
Закондалийн бувну, Жяматийсса палаталувун 45 инсан кьамул увайссар, вайннавату 15 инсаннал цIарду рищайссар Дагъусттаннал БакIчинал, вайкссара – Халкьуннал Мажлисрал, ливчIминналсса ккаккан дурсса кандидатурардава язи дургьуну. Жяматийсса палаталул цIусса члентуравух бур Дагъусттаннал Хъаннил союзрал хъунмур Интизар Мамутаева, «Лезгинка» ансамбльданул каялувчи Жамбулат МахIаммадов, «Дагъусттаннал правда» кказитрал хъунмур редактор Бурлият Токболатова ва цаймигу бусравсса активистътал.
Лакрал чулуха цIанасса палаталуву цIакь бувну бур: Ссапарбаг Аьбдуллаев, Энгельс ХIажимахIаммадов, Мямма Мяммаев, Айгун МахIаммадов.
Ссапарбаг Аьбдуллаев мяйлчинни увчIлачIисса Жяматийсса палаталувун, ва хIасул бувсса 2006 шиная шийнай зий уссар, даврил ххуйсса хIасиллу ккаккан дуллай. ЦIуну бувчIуминнан ва цIунил цIакь бувсса цинявннан чIа тIий буру агьалинан хайр-мюнпатранну зунсса цIуллушивугу, гъирагу.
