Дагъусттан Республикалул Культуралул министерствалул ва Республикалул Халкьуннал творчествалул къатлул баян буллай бур ва шиналсса «Душа Дагестана» ДР-лул ХIукуматрал Премиялийн аьрзри кьамул буллалишиву. ДР-лул Культуралул министерствалул указрайн бувну, байбивхьунни кьамул дуллай вай номинацияр­ттайнсса заявкартту: «народный танец», «народное пение», «традиционная народная культура», «народный мастер», «юное дарование», «народный театр», «народный музыкальный инструмент». ДакIнийн бутан, ва премия жулла республикалий...

«Культура – му жувару» Дагъусттан Республикалул Культуралул министерство ва Халкьуннал творчествалул къатта оьвтIий бур ва шинал, Аьрасатнал Халкьуннал культуралул ирсирал шинал лагрулий баян бувсса, конкурсирттай гьуртту хьун. «Халкьуннал (Образцовый) коллектив, художествалул творчествалул (любительского) студия» цIа дусса творчествалул коллективирттаща бюхълай бур гьуртту хьун Республикалул «Культура – это мы!» тIисса творчествалул любительский коллективирттал смотр-конкурсрай. Конкурс хьунтIиссар манзилданий...

Дагъусттан Республикалул Культуралул министерствалий хьунни ва шинал планнавусса концертирттан ва фестиваллан хас дурсса батIаву. Гьашину Министерствалул ва «Дагестан-концерт» ГБУ-лул цачIуну дуван дакIний бур 9 концерт, цинярдагурив – 11 шадлугъ. Цалчинмур хьунтIиссар 5-мур мартрай Оьруснал театрданул Хъунмур залдануву, Дунияллул халкьуннал дянивсса Хъаннил кьинилун хасну. ПаччахIлугърал «Дагъусттан» ансамбльданул залдануву мартрал 29-нний хьунтIиссар региондалул БакIчи Сергей Меликовлул сипталийнусса...

Уттигъанну Красноярскалий хьусса Иван Ярыгиннул цIанийсса лачIун буккаврил турнирданий Дагъусттаннал цачIундур командалул цалчинмур кIану бувгьунни. Дагъусттаннал спортсментурал дурххунни 4 мусил,4 арцул ва 8 чарвитул медаллу. Мусил медаллан лайкь хьунни Рамиз ХIамзатов, АьппасхIажи МахIаммадов, Шамил Мамедов, Даурен Куругълиев. Арцул медаллу ларсунни АхIмад Идрисовлул, Рамазан Ферзялиевлул, Амануллагь Расуловлул, Шамил Мусаевлул. Чарвитул медаллу дурххунни Муса Мехтихановлул, АьбдурахIман Расуловлул,...

Жува мудангу гъирарай вичIи дишару, республикалул кьатIув ххуйсса къуллугъирттайгу зий, республикалул цIа-кьини адаврай ядуллалисса ва гьаз дуллалисса инсантурах. Къабигьархха, гъурбатрай, кIанттулгу хьуну, цIакь хьун, гьаз хьун, учиннуча, багьу-бизулуву, къуццулуву вилва билаятрал арсну-душну личIан. ЧIярусса шиннардий Тюменнай зий ухьурчагу, Мяммал арс Ярагъи Кьурбанов, «НовТехСервис» идаралул генеральный директор, техникалул элмурдал доктор, профессор, Аьра­сатнал лайкь хьусса геолог, РАЕН-далул...

Январьданул 29-нний Дагъусттаннал БакIчи Сергей Меликовлул каялувшиврий хьусса батIаврий дуруна республикалул 2021-ку шинал социал-экономикалул лябуккулул хIасиллу. АПК-лул дурсса давурттал хIасиллал хIакъираву махъ лавхъунни ДР-лул шяраваллил хозяйствалул министрнал цалчинма хъиривчу Шарип Шариповлул. Мунал тIимунийну, бакIрайра дурсса ккаккиярттайн чул бивщуну, 2021-ку шинал Дагъусттаннал шяраваллил хозяйствалул бакIлахъиялул лагру хьуну дур 176 млрд къурушру, ягу 2020-ку шиналмуних бурувгун 100,5%....

Дагъусттаннал шагьрурдай ва районнай яхъанахъисса Буттал кIанттул цIанийсса Хъун дяъвилул ветерантурачIан шаппа-шаппай бивунни ЗахIматрал ва социал къайгъурдал министерствалул вакилтал, социал идарарттал зузалт. Вайннал, ветерантурал хIал­кьазиягу ххал бувну, був­­сунни коронавирус къадиян­сса чаранная, дарчIунни ми­ннан дагьайсса социал хIаллих­шиннардая ва коронавирусрал профилактикалия балжину бусласисса памяткартту. Мукунма дакIнийн бувтунни, агар ветерантуран медициналул идарарттайн биян багьлай бухьурча, Минтрудрал автотранспорт ккаккан...

Январьданул 29-нний ДР-лул БакIчи Сергей Меликовлул каялувшиврий хьусса батIаврий дурунни 2021-ку шинал республикалул социал-экономикалул лябуккулул хIасиллу. Республикалул каялувчинал тIимунийну, цIанасса ппурттуву яла агьаммину хъанай бур республикалул агьали газрал дузал баврил, строительствалул аралуву дахханашивуртту даврил (реформирование), инвестицияртту дучIан даврил масъалартту. 2021-ку шинал республикалий тамансса давуртту дурну дур лябуккулул цIусса даражалийн бияврил ххуллий. Дагъусттаннал социал-экономикалул лябуккулун ялун...

Февральданул 2-нний «Минводы Экспо» выставкардал центрданий байбивхьунни «АгроКавказ 2020» тIисса аграрий форум. Дагъусттан Республикалул чулухату форумрай гьурттугу хьуну, махъгу лавхъунни ДР-лул шяраваллил хозяйствалул министрнал цалчинма хъиривчу Шарип Шариповлул. Мунал докладран цIа дия «Дагъусттаннал ва аьмну СКФО-рай ризкьи ябаврил лябуккулуву фермертурал хозяйстварттал бугьлагьисса кIану». Шарип Шариповлул тIи­мунийн бувну, Росстатрал ккаккиярттайну 2020-ку шинал Дагъусттаннай фермертурал хозяйстварттал ларсун...

Январьданул 28-нний Дагъусттаннал БакIчи Сергей Меликовлул ва «Газпром» ПАО-лул Правлениялул Председательнал хъиривчув Виталий Маркеловлул каялувшиврий хьунни Газпром компаниярттал группалул ва Дагъусттан Республикалул ХIукуматрал дянив хIала-гьурттушиврул хIакъиравусса батIаву. БатIаврий гьуртту хьунни «Газпром» ПАО-лул ва «Газпром межрегионгаз» группалул каялувчитал, мукунма республикалул властьрал исполнител органнал вакилтал. Миннал ххал диргьунни республикалийн газ буцаврил программа бартдигьаврил ва региондалий газрал аралувусса...