Апрельданул 2-нний Дагъусттаннайн увкIунни Аьрасатнал финансирттал министрнал хъиривчу Алексей Сазонов. ДР-лул БакIчи Сергей Меликовлул дунни АьФ-лул Минфиндалул делегациялущалсса батIаву. Му хас дурну дия кьатIаллил санкциярттал тагьарданий ДР-лул экономикалун кумаг баврил масъаларттан. «Жу мюхтажну буру властьрал федерал органнал маслихIатирттах, цанчирча, гьарца кьини кьамул буллай буру кризисрал тагьар духлаган даврицIунсса хIукмурду. Жун хъинну аьркинну бикIай мукунсса низамрай...
Гьуртту хьунни Вирттаврал Вахталий Дагъусттаннал Росгвардиялул управлениялул зузалт ва аьралитал управлениялул хъунама полковник Александр Орехов бакIчину гьуртту хьунни вай гьантрай республикалий нанисса «Вирттаврал Вахта» проектраву. Аьрасатнал Вирттавращал вайннал дакIнийн бивчунни Буттал кIанттул цIанийсса Хъунмасса дяъвилий жанну дуллуми. Лениннул комсомолданул паркраву хьусса мероприятиялий гьурттушинна дунни Дагъусттаннал БакIчи Сергей Меликовлул, ПаччахIлугърал Думалул депутат, Аьрасатнал Вирттаврал ассоциациялул хъунама,...
Дагъусттаннал хъуними ва цIанасса ппурттуву экономика яларай дагьан къаритансса чаранну ляхълай бур. Вай агьамсса масъалартту гьаз бувна ларгсса итникьини ХIукуматрал хъунама Аьбдулмуслим Аьбдулмуслимов каялувчину хьусса Оператив штабрал заседаниялий. Цалчинма вице-премьер Руслан Аьлиевлул балжину бувсуна цIанакул республикалий цукунсса тагьар дуссарив ва, магърибуллал санкциярттая агьалинан зарал къахьуншиврул, цукунсса чаранну ккаккан аьркинссарив. Бизнесран кумаг баврия, социал выплатарттая, кредитирттансса...
Щурагьсса педучилище мудангу ккаллину буссар хьхьичIунсса кадрарду хIадур бувсса дуккаврил идаралун. Шичча бувкссар цикссагу бюхттулсса учительтал, тарбиячитал, лавайсса даражалул пишакартал. Миннавух бур чIявучин кIулсса, ххаллилсса педагог, тарбиячи ПатIимат Фаталиева (ХIусайнаева). ПатIимат бур Занналва педагогну ляхъан бувсса, гьарца увкусса мукъуйгу, бивзсса шаттирайгу цIу цIанпир бусса инсан. Ва хIакьинусса кьинигу хIурматрай дакIнийн бутай ваничIа дуклай бивкIминнал ва...
Республикалул Культуралул министерствалул ва Халкьуннал творчествалул къатлул сакин дурну, МахIачкъалалив хьунни халкьуннал театрдал «Народная маска» цIанилусса форум-фестиваль. Ва хьунни Аьрасатнал халкьуннал культуралул ирсирал шинал лагрулий ва халкьуннал шаэр Расул ХIамзатовлун 100 шин шаврил таварихран хасну. «Народный» тIисса цIа цIакь дуллалисса, цивппа ва цIанин лайкьшиву тасттикь буллалисса Республикалул смотрданий гьуртту хьунни жулла республикалул сайки гьарцагу мурцIниясса...
Мартрал 27-нний, кулпат, гъан-маччами, дусталгу лагма лавгун, оьрмулул 50 шинал юбилей хьунадаркьунни КIундиннал шяравасса Аьлибуттаев Назим Асадуллагьлул арснал. Назимлул 24 шинни Самара шагьрулий мина-гьанулул хьуну, «Лакия» тIисса автосервисрай зий. Цува ватандалия архну унугу, ванал дакIмур мудангу зунттаву дур. Чара бакъа гьарца шинах Лаккуйн учIайссар Назим. Кулпатран хъинсса заллу, оьрчIан аякьалийсса ппу, ххаллилсса арс, уссу, дус...
Март зурул 29-нний «Аьрасат – ттул тарихри» тIисса музейраву Дагъусттаннал ХIукуматрал председательнал хъиривчу Мурад Казиевлул каялувшиндарай хьунни ДР-лул ЗахIматрал ва социал лябуккулул министерствалул коллегиялул заседание. Коллегиялул даву дайдихьлай, Мурад Казиевлул кIицI лавгуна, политикалул ва экономикалул захIматсса тагьар хIасул хьусса чIумал, министерствалул идарарттал агьали социал кумагирттал дузал бан хIарачат буллан аьркиншиву. Даврил хIасиллая бусласисса видеофильм ххал...
«Илчилул» ванияр ца-кIива номерданул хьхьичI дуссия Орел шагьрулий хьусса спортрал бяст-ччалливу гьуртту хьусса жулва спортсментураясса макьала. Вайннавух кIицI лавгун буссия ГьунчIукьатIрал шяравасса ссурахъал ХIабибуллагь ва Шахмир Чарттаевхъулгу. Кказит бувккун махъ жучIан оьвкуна, цала шяравасса жагьилтурая гьарта-гьарзану кIул хьуну ччива тIий. Ххарину ва гъирарай чичлай буру шяраваллилгу, миллатралгу пахруну хъанахъисса жагьилтурая, Чарттаевхъал тухумрал хьхьичIунсса вакилтурая. ХIабибуллагь...
«Ираннал шагьнал вазир Сиражуттин» тIисса ттула тарихрал очеркраву на кIицI лавгун буссия Тегераннай ванал чIаххуврай ялапар хъанай, дусну, хIалану бивкIсса Аьвдулмажид ва Гулизар Мамедовхъал кулпат. Утти бусанну ва лакрал кулпатрал бакIрачIан бувкIмуния.
Дунияллийцири кинофестивальлай хьхьичIунсса кIанттурду бувгьусса машгьурсса режиссер Родион Исмяиловлул Дагъусттаннай документал журалул видеофильм «Мазурдил зунтту» ларсун дур. Родион Аьрасатнал кинорежиссертурал гильдиялул членгу, Телевидениялул ва радиолул Евразиянал академиялул членгу ур. Оператор Михаил Горобчукгу мукуна Аьрасатнал Кинематографистътурал союзрал член ур. «Жу 2021-ку шинал апрель зуруй Дагъусттаннал культуралиясса ва аьдатирттаясса фильм хIадур дуллай байбивхьуру. УрчIва зурул мутталий бивру...
