МахIачкъалалив, М. Горькийл цIанийсса Оьруснал театрданул Хъунмур залдануву, хьунни Дагъусттаннал халкьуннал шаэр Фазу Аьлиева ниттил бувну 90 шин шаврин хас дурсса вечер. Мажлис байбивхьуна Фазу Аьлиевал шаэрнал гьунарданул ва жяматийсса давурттал ккаллишиврул мукIрушиннану хьусса ца яргсса иширая – ванин Аьрасатнал Президент Владимир Путиннул Святой апостол Андрей Первозванныйл орден дуллусса ппурттувусса видеолия. Региондалул БакIчинал чулуха махъ...
Багьри гьаз хьуну тIий Аьрабусттаннал паччахI Салман ибн Абдель Аьзиз Аль Саудлул 20 миллиард риаллал (вай хъанай бур $5,33 млрд) личIи бувну бур багьри гьаз хьуну тIий билаятрал мюхтажминнан кумагран. Ва ишираяту бувсунни ТАСС-рал, Саоьдуллал печатьрал агентствалийн (САП) чIурчIав дурну. ПаччахIнал указрайн бувну, $ 2,77 млрд социал пособияртту ласласиминнан ва ризкьичитуран харж бувантIий бур цал...
Дагъусттаннал ЗахIматрал министерствалул укра кIулшивуртту дуллалисса «Демография» тIисса миллатирттал проектрал лагрулий агьалинал чулуха кьамул бувсса 1000-нния ливчусса аьрзарду ххал бивгьуну бур. Ва министерствалул биялдарайсса Агьали давурттал дузал буллалисса центрдай хIасул бувну буссия уква пишарду лахьхьинсса кIулшивуртту дуллалисса процесс. Проектрал кумаграйну, ахIвал кIюласса кулпатирттавасса инсантураща лахьхьин бюхълай буссия цIанасса заманнай тIалавшиннарду дусса пишарду. Проектравух гьуртту хьун...
Ларгсса ххамискьини Дагъусттаннал БакIчи Сергей Меликов ивунни Рутуллал райондалийн. ХьхьичIва-хьхьичI ванал райондалул каялувчитуращал Буттал кIанттул цIанийсса Хъун дяъвилий гьуртту хьуминнансса гьайкалдануцI тIутIив дирхьунни. Райондалия аьрайн лавгсса шаназарунниха ливчусса фронтовиктурал аьпалул хIурмат бувну махъ, Меликов ивунни Рутуллал № 1-мур школалийн. Ванал цува школалийн иянтIишиву баян къабувну бивкIун бур, мунияту школалул директорнангу къабигьасса суаллахьхьун жавабру дуллан багьну...
Июль зурул 13-нний Дагъусттаннал БакIчи Сергей Меликовлул республикалий экономика гьаз дуваврин хас дурсса совещание дунни. Ванал бувсунни Федерациялул Советрал спикер Валентина Матвиенкол республикалий кIива гьантлийсса аьрххилий бунува цукунми масъаларттах къулагъас дурссарив. Бувсунни хьхьичI ххуттайн лавсъми масъаларттавух бушиву МахIачкъалаллал аэропортрал реконструкция, Машлул порт цIубуккан буваву ва туризмалул даву сантирайн рутаву. Гьаз бунни совещаниялий Избербашрай цIусса азархана...
Дарбантлив, Нарын-Къалалий, Валентина Матвиенкон ва Сергей Меликовлун ккаккан дурунни Дагъусттаннал халкьуннал художествалул промыслирдал усттартурал каруннил дурсса давуртту: «Кизляр» предприятиялул бувсса ярагъ, Бархъаллал тIахIунтту, Оьргърал ва ГьуцIалттиял заргалтурал дурсса чIюлушиннарду, табасараннал бартбисуртту ва цаймигу затру. Усттартуращал цащалвасса ихтилатраву Федерациялул Советрал спикернал барчаллагь увкунни аслийсса культура дуручлачаврихлу, оьвчаву дурунни, личIи-личIисса гьунарду бусса усттартурал никирттал дянивсса дахIаву руцан...
Июльданул 12-нний Федерациялул Советрал Председатель Валентина Матвиенко ва Дагъусттаннал БакIчи Сергей Меликов бивунни Дарбантлив. [dropcap]Ф[/dropcap]едерациялул Советрал спикернал жулла республикалийнсса даврил аьрххилул кIилчинсса кьини ларгунни Аьрасатнал Халкьуннал культуралул ирсирал шинал лишандалулу. Жулва билаятрал ца яла хьхьичIавамур шагьрулий, ца яла хьхьичIавамур ва машгьурмур къалалий – Нарын-Къалалий, Валентина Матвиенко хьунабавкьуна так ва шагьрулун хасъсса нацIушивурттайну. Республикалул кIива гьантлийсса...
Федерациялул Советрал председатель Валентина Матвиенкол ва Дагъусттаннал БакIчи Сергей Меликовлул республикалул социал-экономикалул масъалартту ххал бигьлагьисса совещание дунни. Кьурбан-байрандалул гьантри бухьувкун, агьалигу барча бувну, Матвиенкол кIицI лавгунни, географиялул тагьар ва миллатру чIявушиву хIисавравун лавсун, республика уникальныйсса душиву. Бувсунни МахIачкъалаллал аэропорт цIу буккан буллалисса давурттал кIилчинмур ятIапрай цинна дакI даркьушиву ва дуллалицирив давуртту бартдигьин кумаг бувантIишиву. Аьрасатнал...
Июль зурул 11-нний региондалул БакIчи Сергей Меликовлул АхIмад-Хан Султаннул цIанийсса МахIачкъалаллал аэропорт цIу буккан буллалисса давурттащал кIул бунни Дагъусттаннайн даврил аьрххилий бувкIсса Аьрасатнал Федерациялул Советрал Председатель Валентина Матвиенко. Аэропорт цIу буккан буллалисса проектрая балжину бувсунни аэропортрал директор Саид Рамазановлул. Федерал бюджетравасса харжлугърайну шикку бантIий бур самолетру гьаз шайсса ва щядикIайсса шанма ща бусса ххуллу, вай...
Валентина Матвиенко ва Сергей Меликов бивунни Украиннай нанисса аьрали операциялуву къучагъшиву ккаккан дурсса НурмахIаммад ХIажимахIаммадов дуклай ивкIсса МахIачкъалаллал 42-мур школалийн. Дунияллул халкьуннал дянивсса «Историческая память» тIисса проектрал лагрулий 42-мур школалул чIирайн лархъссар Виричунал аьпа абад буллалисса ула. Сергей Меликовлул ва Валентина Матвиенкол дирхьунни микку тIутIив. Укунсса мемориалданул ултти лахълахъиссар Аьрасатнал Виричунал цIа ларсъсса цинявппагу аьралитал...
