Дагъусттаннай август зурул 10-нний презентация хьунни «Приключения в ауле мастеров» тIисса, зунттал шяравун агьсса шагьрулул оьрчIая ларсъсса, ряхра мультсериалданул. Проект дачин дурну дуссия Президентнал грантрайнусса 3,3 млн арцух. Дузрайн дуккан даннин дунияллия лавгссия ванил автор Руслан Салимагъаев. Утти ва проект чулийн дуккан дуршиву бувсунни «Альтус-групп» анимациялул студиялул каялувчи Динара ХIажиевал. «Аул мастеров» цIанилусса цалчинсса 3...
ДР-лул искусствалул лайкь хьусса ишккакку, ДР-лул ПаччахIлугърал премиялул лауреат, Аьрасатнал Дагъусттаннал Композитортурал союзрал жаваблувсса секретарь, композитор Заурбаг Жанаев лайкь хьунни Токиолий хьусса дунияллул халкьуннал дянивсса «Japanese Stars» тIисса конкурсрал лауреатнан. Конкурсрай композиторнал ккаккан бунни «Фортепианное трио» тIисса произведение. Уттинингу Заурбаг Жанаев гьуртту хьуссар чил билаятирттал ва Аьрасатнал музыкалул конкурсирттай ва фестивальлай . ДакIнийн бутанну, ларгсса...
Гьарица шинал жула билаятрай лахъа-хъунну кIицI лагай Строительтурал кьини. Гьашину ва байран дагьлай дур август зурул 14-ннийн. Пишалул кьини барча дуллай ура цинявппагу ва аралуву зузисса инсантурахь. Зул хъунмасса захIмарайну цIу-цIусса къатравун бизлай буссар цикссагу кулпатру, цIу-цIусса школарттайн, садикирттайн занай буссар жула оьрчIру. ЧIа тIий ура зун цIакьсса цIуллушиву, давриву тIайлабацIуртту, кулпатирттаву барачат. Аьрасатнаву Дагъусттан...
Ца ххуллух, муниннин кIива-шанма гьантлул хьхьичIва хIадур хъанайгу бивкIун, Камил Чутуевгу архIалну, хъунмасса ххуллугу бивтун, лавгссияв лакрал ухссавнил дазуйсса кIира цанничIан ца гъансса ЧIаящиял ва Муккурдал шяравун биян ва суратругу рищун. Лавгун, кIирагу шяравунгу бивну, гьарцанний цинма-цинма лайкьсса тамашагу бувну, зана хьуну бувкIссияв махъунмай – цурда ца суратгу къарирщунма. Валлагь, тIайлассар, къарирщуна Камил Чутуевлул царагу...
ЦIуссалакрал райондалий аьдатравун багьну бур гьарица шинал хьхьичIунсса хIасиллащал школартту къуртал бувсса выпускниктуран райондалул бакIчинал чулухасса мусил ссятру пишкаш дуллалисса мажлис баву. Гьашину мусил ссятру ласунтIий дур марцIсса ххювардай ва мусил медальлащал школартту къуртал бувсса 25 выпускникнал. Август зурул 12-нний ЦIуминалийсса администрациялул къатраву МахIаммад-ХIажи Айдиев хьунаакьинтIиссар выпускниктуращал ва миннал нитти-буттащал. Мажлисрай личIинува кIицI лавгунни ЦIуссаккуллал...
ЦIуссалакрал райондалийсса ЦIуссалакрал шяравасса ХIажи Агъасиевлунгу чIавасса оьрмулий нясив хьуну бур дяъвилул оьсса сипат ккаккансса. Донбассрай хасъсса операциялия байбивхьусса цалчинсса гьантрая шийнай гьуртту хъанай ивкIун ур ва дяъвилул иширттаву. Вай гьантрай Агъасиевхъал кулпатрал ялун арс ХIажи отпускалий шавай итаавкьусса ххарисса хавар бивунни. – Арснан уттигу махъунай дяъвилийн зана хьун аьркиншиву дакIнийн багьайхту, дакIнива ххаришиву дуккай»,...
Ларгсса нюжмардий Гъумуксса Хъун-Мизитраву хьунни Аьлибуттаев Аьбдурашидлул аьпалун хас бувсса, оьрчIан тIайлану чак буван лахьхьаврил конкурс. Ва конкурсрай гьуртту хьунни райондалийцири шяраваллава мизитравун чак буван лахьхьин заназисса гъинтнил курсирдайсса оьрчIру – 55 оьрчI. Конкурсрал сиптачитурал бувсунни фондраву 150 азарда къуруш диркIшиву, цалчинмур кIану бувгьуманан дуллушиву 30 азарда къуруш, кIилчинмур кIану – 20 азарда къуруш ва...
Совет заманнай ялапар хъанай бивкIсса инсантуран тай чIунну ччя-ччяни дакIнийн дагьлан дикIай. ХIакьину ттун пикри хьунни, уздансса лаккучу, Хъусращиял шяравасса Хъун-МахIаммадал арс, аьпа биву, СилахIуттин Кубачанов дакIнийн увтун, муная учин ца-кIива махъ. СилахIуттиннущал на цалчин кIул хьуссияв 1982-ку шинал дайдихьулий Къизилюрт шагьрулий. Му ппурттуву на уссияв Наримановлул цIанийсса СунбатIуллал колхозрал председательну зий. СилахIуттин ия Къизилюртуллал...
Жагьилсса никиран эбратран ишинсса инсанная бусан ччива ттун «Илчи» кказитрайхчIин, укунсса арс тарбия увсса миллатрайнгу барчаллагьрай. Рутуллал райондалийсса Дюкъуллал шяраватусса ХIажинал арс Кьурбан Камилов увну ур МахIачкъалив. Ванал марцIну ххювардай къуртал бувну бур МахIачкъалаллал 16-мур школа. Дуккавриву итххявхсса оьрчI гъирарай гьуртту шайсса ивкIун ур математикалул, оьрус мазрал, биологиялул ва химиялул олимпиадарттай. ХьхьичIунсса кIанттурду бугьайсса, школалун...
КъачIявуну хьунабакьай цал язи дургьусса даву щалвагу оьрмулул мяънану, цанма чивчуну бивкIсса кьадарну, дунияллул неъматгу, аршигу му давриву чIалачIисса инсантал. Мукунсса ххуллу язи бувгьуми цивппагу бикIай элмулуха, творчествалуха зузисса аьлимтал ва аькьилтал. Му даврий я хъус къалякъай, я хъуншивуртту къаласай, амма миннал бувсса захIмат зия къалагай, миннал бусравсса цIарду элмулулгу, миллатралгу тарихраву абадну личIай. Мукун...
