ЦIуссалакрал райондалий аьдатравун багьну бур гьарица шинал хьхьичIунсса хIасиллащал школартту къуртал бувсса выпускниктуран райондалул бакIчинал чулухасса мусил ссятру пишкаш дуллалисса мажлис баву. Гьашину мусил ссятру ласунтIий дур марцIсса ххювардай ва мусил медальлащал школартту къуртал бувсса 25 выпускникнал.
Август зурул 12-нний ЦIуминалийсса администрациялул къатраву МахIаммад-ХIажи Айдиев хьунаакьинтIиссар выпускниктуращал ва миннал нитти-буттащал.
Мажлисрай личIинува кIицI лавгунни ЦIуссаккуллал школалул выпускница Алина Маккаева.
Ларгсса шинах бурувгун гьашинусса шинал мусил ссятру лайкь дурминнаву 7 выпускник ххишала хьуну ия.
ЦIуссалакрал райондалий дуккавриву ва школалул жяматийсса оьрмулуву хьхьичIун ливчсса оьрчIах мудангу дур ларайсса къулагъас.
