МахIачкъалалив Къумукьнал театрдануву уттигъанну хьу­сса «Музыка за мир» проектравух гьуртту хьун республикалийн Аьрасатнал личIи-личIисса регионнаясса музыкантътал бувкIунни. Миннал Дагъусттаннал Симфонический оркестрданущал цачIу дуллунни хъуннасса концерт.

Цала язисса арс, ягу душ ахиратравун лавгукун, ганал (ганил) цIа абад даврил даву, агьлу гьанавиххи хьунурив, ягу ва багьана, та савав хъанайрив, дайдишин чIал хъанан дикIай. Мукун хъанан бивкIуна 1975 шинал январьданул 30-нний лакрал балайлул Эверест, миллатрал магьирлугърал мусил тажиравусса абадул якьут, Шахьуйннал Мариян кьадарсса ккуллалул бувтния мукьахгу.

Аьвдулкьадир НякIучиев, ш. ЧукIун Буттал чагъар ГьантлучIа гьантта бихьлай, Гьан дурна шинну ниттил. ЩинчIав ккаккан къабувна Буттал дяъвилул чагъар… ДутIинмур макь руртIуссар, ДухIанмур дард дурхIуссар, Букки, ттул арс, баянну, Аьрая буттал чагъар:

Сентябрьданул 1-нний Дагъусттаннал Культуралул ва искусствалул колледжраву хьунни цIа дурксса балайчи, ДАССР-нул лайкь хьусса артистка Мариян Дандамаевал 80 шинал юбилейрацIун дархIусса вечер. Ва кьини колледжрал актовый залданувун бавтIун бия студентътал, преподавательтал, бусрав­сса хъамал.

Выставка тIитIлатIисса шадлугърай художник цувагу гьуртту хьунни. Тамашачитурал хьхьичIун дуккан дурну дур язи дургьусса ванал 150 сурат, цирдагу личIи-личIисса журалул.

Мухаммед Дандамаев. Укун чичай цала цIа дунияллийсса чIявусса билаятирттайгу хъинну кIулсса, цIанакул Аьра­сатнал Элмурдал академиялул Востоковедениялул институтрал Санкт-Петербурглийсса филиалданул нукIузаманнул Баргъбуккавал секторданул заведующийну зузисса, тарихрал элмурдал доктор Дандамаев МахIаммад Аьбдулкьадирдул арснал.

РСФСР-данул лайкь хьусса артистка, ЗахIматрал ЯтIул Ттугълил ордендалул кавалер Ибрагьимова Шагьун Жяъппардул душнин 95 шин шаврин хасну. Ванил университетну бия оьр­му цила дуцирив плюсирттащалсса ва минусирттащалсса. Ва бия театрданул я дянивсса, я лавайсса ду­ккаврил идарарттаву кIулшиву ласлай къабивкIсса Дагъусттаннал театрал искусствалул хьхьичIунсса усттартурал плеядалувасса ца.

Августрал 12-нний дайдирхьунни Венгриянаву Дунияллул халкьуннал дянивсса «Саммерфест – 2016» фольклорданул фестиваль. Мунил лагрулий най дур Венгриянаву Дагъусттаннал халкьуннал творчествалул кьинирдугу. Фестиваль цурдагу, муний­сса Дагъусттаннал халкьуннал творчествалул кьинирдугу лахъи лагантIиссар ва зурул 22-ннийнин.

Ттигъанну Болгъарнаву хьунни Дунияллул халкьуннал дянивсса халкьуннал къавтIаврил ХII-сса фестиваль «Varna – 2016». Муний гьуртту хьуну бур дунияллул 16 билаятраясса творчествалул коллективру. Му фестивальданийн жулла республикалия лавгссар «Хасавюрт» ансамбльгу.

Уттигъанну, редакциялийн лавгун унува, на Руслан Башаевлухь: «Чанкурал шеърирдал лу бувкшиву ттун кIуллича, кIий, лаккуйгу къабиривуннича, вичIавагу ца лу бакъарив? Бухьурча, ца ттунгу була», — куссия. Буллуна ттунгу Русланнул Чанкурал