Хасавюртлив лакрал дуллалисса гьарцагу давривух хIала увххун, цалва миллатрал цIа сийлий личIанмур буллалиминнавух кIицI лагай Дагъусттаннал университетрал филиалданул хъунаманал хъиривчуну зузисса аьлимчунал, Мусал арс Мусаев Мирзал цIа. Му Чапаевкаллал шяраватусса ур, юридический элмурдал кандидат, РАЕ-далул профессор ур.
ОьрчIан ниттил накIуксса, накIлил мазгу нахIуссар. НакIлил мазрай бувсмур ччяни лахьхьайссар, хъинну вив багьайссар. Цамур мазрай шанна-мукьра шинай къабюхъаймур, накIлил мазрал шанма-мукьва зуруй бигьану лахьхьайссар. Цала маз ххирашиву инсаннавусса тIабиаьтри. ТIабиаьт зия къархьусса ца инсан цукунчIав цала нитти-буттал маз цамур мазрах баххан рязий къахьунтIиссар.
Ва шинал январь зуруя байбивхьуну (01.01.-07.03) республикалул федерал ххуллурдай 57 ДТП хьуну дур. Миннуву 31 инсан ивкIуну ур, 59 инсаннан цIунцIияртту хьуну дур (хьхьичI шинал 72-24-126). ЧIалачIисса куццуй, гьашину чан хьуну дур цирда ДТП-гу, миннуву лихха-личча хьумигу. Амма чIяву хьуну бур ливтIуми. Ларгсса нюжмардул дянив сияхIрайн ларсун дур федерал ххуллурдай хьусса 8 ДТП. Миннуву 4...
МахIачкъалалив хьунни, Ниттил мазурдил кьинилун хас бувсса, Дагъусттаннал шаэртурал назмурду дакIних дуккаврил республикалул конкурс. Гьашинусса конкурс бия шамилчинсса. Ттинин хьусса кIива конкурсрай цалчинсса кIантту бувгьуссар Лакрал райондалул Ккурккуллал школалул дуклаки душарал: Ссунгъурова ПатIиматлул ва МахIаммадова ХIуруннул.
Лакку мазрал ва литературалул дарсру дихьлахьисса учительтуран кабакьулун, кIулшиву дулаврил процессраву миллатирттал мазурдил агьамшиву ларай даву мурадрай, Ниттил мазрал кьинилун хас дурсса давурттал лагрулуву, Лакрал райондалул кIулшиву дулаврил управлениялул сипталийну, гьарца шинал байссар «Яла хьхьичIунма лакку мазрал учитель» тIисса конкурс.
Мартрал 21-нний Къоркмаскъалаллал Культуралул къатраву хьунни «Поющие струны» тIисса халкьуннал чангитурал республикалул фестиваль. Га сакин дурну дия Республикалул Халкьуннал творчествалул къатрал Къумтуркъалаллал райондалул культуралул отделданущал цачIу.
Уттигъанну бувккунни дунияллийн «Лучшие выпускники ДГУ 2012 года» цIанилусса журналданул 1-сса выпуск. Справочник буккан бувну бур студентътуран давурттахух гьан ва ДГУ-рал выпускниктуран давурттайн буххан кумаг буллалисса регионал центрданул (региональный Центр содействия занятости студентов и трудоустройству выпускников ДГУ), ДГУ-рал ректоратрал чIаравбацIаврийну.
ДукIу Дагъусттаннай композитор Ширвани Чаллаевлун 75 шин шаврил юбилейрал шадлугърай на хьунав Раппи Аьбдуразакьович Абакаровлул чIарав. Га чIумал танал ттухь маслихIат бувна жулва ЦIуссалак цIусса миналийн бизан баврил хIакъираву чичин. Му ца калималуву бур ЦIуссалакрал агьулданул щаллусса тарих, 1944 шиная тIайла хьуну, хIакьинусса кьининийн.
ДакIнийхтуну барча буллай буру ЧIяйннал шяравасса, Буйнакскалий ялапар хъанахъисса, жунма хъинну ххирасса кулпат ва 5 оьрчIал нину, захIматрал ветеран, Юсуплул душ Пирбудагъова ПатIима. Жу хъунигу бувну, циняв лавайсса цала-цала ххуллурдайн буккан бувсса вил захIматрал багьа бищун къахьунссар. ХIакьинусса кьинигу ина жун, ласнан, оьрчIан, чара бакъа аьркинссара:
Март байбихьулул гьантрай Псков шагьрулий хьунни хIала-ккаласса боевой искусстварттал «ориентал» журалул дунияллул халкьуннал турнир. Муданма кунма, га турнирданий гьуртту хьунни Дагъусттаннал ММА-рал хъунама тренер ва федерациялул президент Аьбдулкерим Айгуновлул вардиш буллалисса оьрчIру.
