Лакраву чансса бакъар билаятрал медициналул оьрмулуву агьамсса кIантту бувгьусса хIакинтал. Миннавасса ца хьуну ур Гъумучатусса Давудлул арс МахIаммадхан Къажлаев.
Запись
Ца Виричунал цIа ттигу кIул хьунни
Майрал 9-нний бувксса «Илчи» кказитрай (№18) жу бивщуссия Хъунмасса Буттал КIанттул цIанийсса дяъвилуву Совет Союзрал Виричу тIисса цIа дулун ккаккан бувну бивкIсса лакрая: Аьлиев Мурат Насруллаевичлуя, Аьлиев Камил-Кьади ПаттахIовичлуя ва Аьлибуттаев Аьбдул Гъапуровичлуя.
Запись
Вайннал къучагъшиву абадссар
Вай гьантрайрив на хьунабавкьура Хъунмасса Буттал КIанттул цIанийсса дяъвилий ккаккан дурсса къучагъшиврухлу Лениннул ордендалун лайкь хьусса Къушаев Нурисланнул ва ЯтIул Ттугълил ордендалул кавалер ХIасанаьлиев Жамалуттиннул оьрчIащал ва гъанчунащал. Вай вирттаврая чивчуну буссия «Илчи» кказитрал 23-мур номерданий. Андриана Аьбдуллаева ЯтIул ттугълил орден дулун ккаккан увсса ХIасанаьлиев Жамалуттин ШавкIуллал
Запись
Жулва вирттал
Ванияр кIира шинал хьхьичI Гъумучиял лицейрал 9-мур классраву дуклакисса Къажлаев МахIаммадхан Ансардул арснал «Судьба семьи в судьбе республики и страны» тIисса докладран Республикалул КIулшиву дулаврил министерствалул лавайсса кьимат бивщуна. Муниву МахIаммадханнул бувсун бия Къажлаевхъал тухумрал тарихрая, республикалул ва билаятрал оьрмулуву агьамсса кIану бувгьусса цала гъан-маччациринная.
Запись
На тIайлабацIу бусса бухьунссара…
ЧIяйннал шяравасса ПатIимат Бугъраеващал кIулну ттул чIярусса шиннур. На ванищал кIул бувссияв, аьпа баннав цал, ттула шяравучу Буттаев МахIаммадлул. Вай нукIура дусшиву дусса кулпатру бия. ПатIиматлул цила оьрмулия, бакIрачIан бувкIмуния бусласиний, на мудангу гъирарай вичIидишара.
Запись
Генерал Халиловгу жула пахрур
Цалчинсса Дунияллул дяъвилия махъ гьашину 100 шин бартлаглай дур. Му дяъвилуву хъунмурчIин гьурттушинна дурну дур Германиянал ва миннал чул бувгьусса Австровенгрнал хIукуматирттал Аьрасатнал паччахIлугъращал талай. Му дяъвилуву гьуртту хьуссар жула дагъусттаннал миллатирттая сакин бувсса бурттигьалтрал аьралуннал.
Запись
Яла хьхьичIунми дандибуккултрал дунияллул халкьуннал турнирданий
Июньдалул 13-нний «Восточная пальмира» тIисса банкетирттал залдануву хьунни, «Лучшие из лучших» цIанилу, яла хьхьичIунми дандибуккултрал дунияллул халкьуннал турнир. Най буна бусан, турнирданий ккаккан дурсса Дагъусттаннал командалуву чIявуми бия лакку оьрчIру, миннащал биллай бия Украиннал, Белоруссиянал, АьсатIиннал, Азирбижаннал чарххичитал (профессиональные бойцы).
Запись
Аьрасатнал турнирдания – Ххувшаврищал
Школалияр ххишала дуклаки оьрчIру тарбия буллалисса цайми идарартту дакъахьувкун, цалва оьрчIал бучIантIимунил ялув буруккинттарайсса нитти-буттахъал биялсса хIарачат бур дарсирдая махъ оьрчIру ссахун-бунугу машхул буван, личIи-личIисса секциярдайн, кружокирдайн занази буван.
Запись
Жу вийн вихну буру
Уттигъанну Пятигорск шагьрулий хьунни «Юность России» тIисса цIанилу Аьрасатнал даражалийсса боксрал чемпионат. Шикку хьунабавкьунни Аьрасатнал боксрал спортраву яла хьхьичIун ливчуми спортсментал, миннал тренертал ва лавайсса категориялул судьятал.
Запись
Оьрмулул шаттирду
На Батунная нанийни Гъумучатусса жула эмиссартурал ттухьхьун Истанбуллив оьрму бутлатисса МахIаммад Нажатий тIисса адаминал адрес дуллуссия. КIюрххил ивзун, на кIа адаминал хъирив лавгра. МухIаммад Нажатий МахIмуд-пашанал цIанийсса кIичIираву «Къирим-отель» тIисса гостиницалуву ия. МахIаммад Нажатий тамансса – 45 шинавусса, загълунсса чурххал адамина ия.
