ХIАЖИНАЛ АРС СУЛАЙМАНОВ МУРАД Апрель зурул 16-нний, оьрмулул 20 шинаву, Москавлив авариялухьхьун агьну, нязаннийсса бивкIулул жуятува личIи унни дахьа оьрмулул аргъиравун ухлахисса, ГьунчIукьатIатусса жагьил, Сулайманов Мурад. Мурад увну ур февраль зурул 13-нний 1995 шинал МахIачкъалалив.
Лакрал райондалул администрациялул ОьрчIащалсса, жагьилтуращалсса даврил ва туризмалул отделданул, КIулшиву дулаврил ва Магьирлугърал управлениярттал сакиншиннарайну ларгсса нюжмар кьини Гъумук Буттал КIанттул цIанийсса Хъунмасса дяъвилия зана къавхьуминнал гьайкалданучIа хьунни Ххувшаврил 70 шин шаврин хас бувсса аьдатравун багьсса Аьпалул Вахта тIитIлатIисса батIаву. Муний гьуртту хьунни райондалул бакI дургьуми, шяраваллал бакIчитал, идарарттал хъуними ва зузалт, учительтал ва дуклаки...
Шагьимардан Мудуев, географиялул элмурдал доктор, профессор, ДР-лул лайкь хьусса экономист: — Вай гьантрай Аьрасатнал Федерациялул Президент Владимир Путиннул халкьуннащалсса хьунаакьаву хъинну агьамсса ва мяъна дусса дия. Уттисса суаллан жавабру дулавриву хъунмур кIану бувгьунни жулла хIукуматрал экономикалул тагьар гьаз дансса шартIирдал хIакъирал.
Шинал лажиндарай ЦIуссалакрал райондалийсса циняв щархъаву дяъвилул ва захIматрал ветерантуран Ххувшаврил 70 шинал юбилейран хас дурсса медаллу дуллалисса лахъа-хъунсса шадлугъру най дия. Ва юбилейрацIун дархIусса,
КIамахъаллал жяматрал маслихIатрал вакилтурал сакиншиннаралу хьунни аьрщарал масъала бакъасса, жяматран хайрсса, агьамсса цайми-цаймигу масъалартту ххалбигьлагьисса батIаву.
Хъинну ххуйну най дур Ккуллал райондалий Ххувшаву ларсун 70 шин шаврин хас дурсса давуртту. Вана апрельданул 17-ннийгу райондалул жагьилтал, дуклаки оьрчIру лавгунни Щуну-Зунттул ца бакIрайн Ххувшаврил бунияласса Ттугълил копия бищун. ХIажимурад ХIусайнов Ттугъ бищавривух гьуртту хьун ччими бавтIуна райондалул Досуговый центрданул чIарав.
Апрель зурул 14-нний МахIачкъалалив Нураттин Юсуповлул цIанийсса республикалул ОьрчIал библиотекалуву хьунни уттигъанну оьрмулува лавгсса, машгьурсса лакрал чичу, прозаик, Буттал КIанттул цIанийсса Хъунмасса дяъвилул ветеран Мудунов Абакар Аьлиевичлул творчествалун хас дурсса аьпалул вечер.
Сайки 7 шин хьуну дур жулла республикалий «Единая Россия» партиялул председатель Дмитрий Медведевлул приемная зий. Нюжмардий 3 кьини ДР-лул Халкьуннал Мажлисрал депутатътурал ва приемныйлуву зузисса ПаччахIлугърал Думалул депутатътурал
МахIачкъалалив, Дагъусттаннал Журналистурал союзрал къатраву хьунни ниттил мазру машгьур баврин, буруччаврин хас бувсса «ккуркки стол». Ва давривух гьуртту хьунни «Аналитика» порталданул каялувчи Аьдил Баянов, ДНЦР-далул элмийсса пишакар Саид Ниналалов, «Илчи» кказитрал хъунмур редактор Качар ХIусайнаева ва республикалул миллатирттал мазурдийсса СМИ-рдал жураналистал.
Апрельданул 14-нний «Дагестан» РИА-луву хьунни шиву шайсса чIявусса цайминнуха къалавхьхьусса пресс-конференция – дунияллийх цIадурксса цIигьур (повар) Легат Изтоклущалсса хьунабакьаву.
