Июль зурул 15-нний, 20.00 ссятраву «Анжи-Арена» стадиондалий ччалли дуккантIиссар «Анжи» ва «ЦСКА» футболданул командартту.

Вана дайдихьлай Аьрасатнал футболданул чемпионат.
«Анжи» команда занадиркIунни турнирданийн вардиш хъанахъисса батIаврия.
Словениялуву хьуну бур контрольданул тIуркIурду «Астра» Румыния, «Турник» Польша, «Истра» Хорватия, «Кршко» Словения, «Ньиредьхаза» Венгрия ва «Динамо» Румыния командарттащал.
15 гьантлийсса батIаврий ххал бувну бур командалувун буцин ччисса футболистал. Язи бувгьуминнащал цIакь дурну дур кьутIи. «Анжи» командалухлу буклантIиссар: къапучитал — Алексей Солосин, Юрий Шлив; защитниктал — Гурам Тетрашвили, Владимир Полуяхтов, МахIаммад Мусалов, Алан Багаев, Шамил ХIасанов, Игорь Уралый, Тома Фибел, Сергей Брызгалов; полузащитниктал — Игорь Чайковский, Павел Караев, Адлан Кацаев, Арсен Хубулов, Джаба Лихартия, Чег Гаточ Паном, Вадим Афонин, Батраз Хадарцев, ХIажи Аджиев, Олег Данченко, Константин Базелюк; гужумчитал — Шамил Асильдаров, Павел Долгов, Иван Маркелов, Павел Яковлев, ХIасан Мамтов, Жамал ДибирхIажиев.
Хъунама тренер — Александр Григорян.

Руслан Къардашов