Аьли Аьлиевлул цIанийсса турнир хьунни Каспийскалий июльданул 8-9-нний. Турнирданий гьуртту хьунни 12 билаятрал лачIунбуккулт.
ДР-лул ХIукуматрал Председатель Аьбдуссамад ХIамидовлул, турнир тIитIлай, увкунни: «Ва турнирданийн спортсментал жучIанма бучIаншиврул булланну шаймур ва къашаймур. Хъиривмур шинал гьаз данну бахшишран дулайсса арцул аьдад. (Гьашину дуссия 1,2,3 кIанттурдах ккаккан дурну 150,100 ва 50 азарда къурушру). Мунилгу ларай дантIиссар турнирданул сий».
Махъру ялагу лавхъунни ДР-лул цалчинма Президент Муху Аьлиевлул ва ДР-лул ХIукуматрал Председательнал хъиривчу Анатолий Карибовлул.
Цалчинмур кьини
Бяст-ччал байбивхьунни 57,64,74,97 килордал кIушиврул лачIунбуккултрал. Ва кьини хар-хавар бакъасса ишру лачIунбуккултрал бяст-ччаллаву хьуну бухьурчагу, чIалай бия Дагъусттаннал ва Азирбижаннал лачIунбуккултрал дянив ххувшаврил цIаний чIявуми данди буккавуртту хьун тIий душиву.
57 кило
1. Махир Амирасланов (Азирбижан)
2. Азамат Тускаев (Алания)
3. Георгий Эдишерашвили (Азирбижан)
3. Парвиз Ибрагимов (Азирбижан)
65 кило
1. Абакар АбасхIажиев (Дагъусттан)
2. АгъахIусайн Мустаппаев (Азирбижан)
3. МахIаммад Муслимов (Азирбижан)
3. Мюршид Муталимов (Дагъусттан)
74 кило
1. МахIаммад Хизриев (Дагъусттан)
2. МахIаммад Муталимов (Дагъусттан)
3. МахIаммад Рамазанов (Дагъусттан)
3. ХIажи Набиев (Дагъусттан)
97 кило
1. Асланбагь Алборов (Азирбижан)
2. Юрий Белановский (Красноярск)
3. Зайнулла Кьурбанов (Дагъусттан)
3. Георгий Кетоев (Армани).
КIилчинмур кьини
Яла ялугьлагьимур бяст-ччал хьунни Дунияллул лачIунбуккаврил кIия чемпионнал дянив. Цуксса жулама чемпион МахIаммадрасул ГъазимахIаммадов гужну лачIунуклай ухьурчагу, ва кьини ялтту увккунни Италиянал лачIунукку Франк Чамизо. Ванал цала лачIунуккаврил паргалшиврул ва усттаршиврул хIайран бунни тамашачитал.
Ва кьини дакIний-мазрай дакъасса ххувшавуртту ва ухшавуртту къархьунни.
61 кило
1. Бекхан Тойгереев (Дагъусттан)
2. Нариман Исрапилов (Дагъусттан)
3. ХIажимахIаммад Аьлиев (Дагъусттан)
3. Гьалиб Аьлиев (Азирбижан)
70 кило
1. Франк Чамизо (Италия)
2. МахIаммадрасул ГъазимахIаммадов (Дагъусттан)
3. Ренат Рамазанов (Дагъусттан)
3. Мандахнаран Ганзоринг (Монголия)
86 кило
1. Аьлихан Исабраилов (Дагъусттан)
2. Александр Гостиев (Азирбижан)
3. Тамерлан АхIмадов (Дагъусттан)
3. Заур Мякиев (Алания)
125 кило
1. Ален Засеев (Украина)
2. Сослан Хигагов (Алания)
3. Шамил АхIмадов (Дагъусттан)
3. Виталий Голоев (Алания)
P.S. Швейцариянаву Дунияллул лачIунбуккаврил Федерациялул штаб-квартиралул хьхьичI дацIан дурну дур Аьли Аьлиевлул гьайкал. Ва хъанай дур жулла паччахIлугърал дазул кьатIув дагъусттанчунан дурсса цалчинсса мемориал.
Руслан Къардашов
