Дагъусттаннай сийлий да­къар ташурду кьутIирдайну цIакь буваву. 2010 шиная 2015 шинайн бияннин дурагу цIакь дурну дур 475 ташулул контракт, миннувату 65 – ларгсса шинал. 2016 шинал ташулул контракт чичин нотариусрайн бувксса цавагу кулпат бакъар. Аьра­сатнаву ташурдал кьутIи цIакь даву цIу­шиннар, 1995 шинал Семейный кодекс кьамул бувния махъ аьдат­равун дагьсса.

МахIачкъалалив Сепараторный поселокрай Хуршиловлул кIичIираву 2003 шинал ххуйну чIу къабаяйсса ва къюкIсса оьрчIансса интернат ччувччусса кIанай хIукму хьуну бур буван парк. Та цIарал бала-апатIраву оьрмурдацIа хьуссар 30 оьрчI.

Инсантал бигьалаглагисса, отпускардайсса, каникуллайсса чIун дур гъинтнил чIун. КIирисса чIумал инсантал бигьалаглай бур хьхьирил зуманив. ОьрчIалгу, хъуниминналгу хъунмасса хIаз ласлай бур хьхьирийн, неххайн, бярув щинавун бучIлай.

Дагъусттаннал УФСИН-лул спецназрал отделданул базалий хьунни машгьурсса Дагъусттаннал спортсментуращалсса хьунабакьаву.

Июль зурул 20-нния 24-ннийн Ахъушиял райондалий ХIинтIиял шяраву хьунни щалагу Аьрасатнал жагьилсса лидертурал форум «Чиндирчеро — 2016». Мунил сакиншинначитал бур республикалул жагьилтурал иширттал министерство, Дагъусттаннал паччахIлугърал университет, Ахъушиял райондалул администрация.

Июльданул 24-нний хьунни махъра-махъсса «Чиндир­черо-2016» цIанилусса щала Аьра­сатнал жагьилсса бакIчитурал форумрал кьини. Гьашину шанна шин хъанай дур Ахъушиял райондалийсса ХiинтIиял шяраваллия арх бакъасса «Чиндирчеро» базалий ва форум батIлай.

Абхазнал миллатрал Виричуная, жула лаккучу, общественный деятель, Минкаиллул арс Аьли Аьлиевлуя буслай бур ва макьалалуву Дагъусттаннал бакIчинал маслихIатчи Денга Халидов ва Абхазнал президентнал маслихIатчи Муаед Афаунов.

Машгьурсса Чаринхъал МухIуттин дунияллийн увккун 100 шин шаврил шадлугъ Гъумук, Культуралул къатлуву, аргъирай нанисса ппурттуву, залданул нузавугу бавцIуну, жагь сценалийн, жагьгу залданувун буруглай, ттухьва нава буссияв: «МухIуттиннул кьимат бищун бюхъайми, га цува кунма репрессиярттахьхьун лавгун, бакъа-къатIа бувну бунуккар», тIий. Чув бур лак, чув бур миллат?!!!

1905 шинал гъинттул Санкт-Петербургуллал университетраву дуклакисса студент Сяид Габиев ппу ивкIуну увкIун ур Гъумукун. Жижара бан бувкIсса шяравучутурал ихтилатирттава Сяидлун бавну бур Гъази-Гъумучиял округрал каялувчи Шигровский халкьуннай зулму буллай ур, тIисса хаварду.

Аьлибаглул арс Аьмаев Кьурбан­махIаммад Вай гьантрай, оьрмулул 95 шинаву, цIуцIи шанийгу лахъи къалавгун, аьпалухьхьун лавгунни ЧIурттащиял шяравасса махъа-махъсса Хъунмасса Буттал КIанттул цIанийсса дяъвилул гьурттучи, захIматрал ветеран, шяраву сий ду­сса хъунмасса Аьмахъал тухумрая­сса Аьлибаглул ва Калиматуллагьлул арс Аьмаев КьурбанмахIаммад.