Февральданул 15-нний ДР-лул Президентнал кIанайма Рамазан АьбдуллатIипов Москавлив хьунаавкьунни Аьрасатнал Счетная палаталул председатель Сергей Степашиннущал. Тикку мукунма гьуртту хьунни ДР-лул Счетная палаталул председатель Малик Баглиев, АьФ-лул Счетная палаталул аудитортал.
Ганащал архIал бивзунни Дагъусттаннал парламентрал спикер Хизри Шихсаидов, республикалул ХIукуматрал Председательнал хъиривчу Абусупиян Хархаров ва цаймигу. Делегация бивунни Къарабудахккантуллал райондалул Уллубийаул тIисса шяравун. Тичча лавгунни Избербашлив, тикку ххал бунни цIуну буллалисса социал объектру. Яла лавгунни Къаякантуллал райондалийсса Новокъаякантуллал шяравун. Тикку ххал бунни тарихрал ва улклул аьламатирттал музей. Экскурсиярдал пишакарнал бувсмунийн бувну, Кьиблалул Дагъусттаннай дур 6-7...
Декабрь зуруй МахIачкъалаливсса Москавуллал тIивтIусса университетрал филиалдануву хьунни ГьунчIукьатIрал шяравасса гьунар бусса учительнан, Дагъусттан Республикалул лайкь хьусса учительнал цIа ларсъсса, шамийла «Сорослул учитель» грант ларсъсса, 2006 шинал Аьрасатнал учительтураву ца яла хьхьичIунманан ккалли увсса ХIамидлул арснан АхIмадов Кьурбаннун хас дурсса конференция.
Февральданул 18 –нний МахIачкъалаллал тарихрал музейраву хьунни дагъусттаннал 70 художниктурал сайки ттуршунниха лирчусса суратирттал «Автопортрет» тIисса выставка. Выставкалийн бувкIсса тамашачитурал хьхьичIун ларсун дия П.С.ХIамзатовал цIанийсса Изобразительный искусствалул музейрал фондравасса, художниктал зузисса мастерскойрдавасса живописьрал, графикалул, декоративно-прикладной искусствалул давурттив. Вайннува цаппарасса уттизаманнул цIушиннарду ишла дурну, видеопроектравух ккаккан дурунни.
Статистикалул чIалачIи буллалимунийн бувну, ларгсса шинал МахIачкъалалив хьуну дур оьрчIру хIаласса 61 ДТП. Миннуву 5 оьрчI ивкIуну ур, 66 оьрчIан цIунцIияртту хьуну дур. Ми хьхьичIмур, 2011-мур, шинах бурувгун, ххишала хьуну бур.
Февральданул 12-нний ДР-лул Президентнал кIанайма Рамазан АьбдуллатIипов хьунаавкьунни республикалул исполнительный властьрал ва законну дуккан дай властьрал каялувчитуращал. Хьунабакьаврий гьуртту хьунни ДР-лул Халкьуннал Мажлисрал Председатель Хизри Шихсаидов, ДР-лул ХIукуматрал Председатель Мухтар Мажидов, ДР-лул Президентнал ва ХIукуматрал Администрациялул Каялувчи Шагьаьппас Шагьов, ДР-лул Президентнал управлениярттал хъуними, ХIукуматрал члентал ва цаймигу. Хьунабакьаврий республикалул бакIчинал официальну ккаккан бунни Дагъусттаннал исполнительный...
Цукунсса тагьарданий дур гражданшиврул общество Дагъусттаннай? Цукунсса масъалартту буссар мунил хьхьичI? Ци бан аьркинссар, гражданшиврул общество чялишну зуншиврул? Миннунгу, миннуцIун цаймигу суаллан жавабру лякъинсса мурадрай, ДР-лул Президентнал кIанайма Рамазан АьбдуллатIипов хьунаавкьунни ДР-лул Жяматийсса палаталул ва къакоммерциялул организациярдал координациялул советрал президиумрал члентуращал.
ДР-лул Президентнал прессалул къуллугърал бувсъсса куццуй, оьвкуминнавух бивкIссар Дагъусттаннал муфтий АхIмад-хIажи Аьбдуллаев, щайх Мансурил МухIаммад-апанди, МахIачкъалаллал ва Избербашуллал хъуними мизитирттал имамтал, Саэд-Апаннинал цIанийсса Теологиялул институтрал ректор АьбдуллахIажи Ацаев, ДМД-рал официальсса вакил МахIаммадрасул Оьмаров, цIадурксса аьлимтал.
ХIурмат бусса дагъусттанлувтал! Февральданул 15-нния шинмай ДР-лул Халкьуннал Мажлисраву зунтIиссар депутатътурал пост. Инсантураща бюхъантIиссар миккун оьвчин паччахIлугърал властьрал органнал къуллугърайминнал, кIанттул цилакаялувшиврул органнал къуллугърайминнал ва организациярдал къатIайласса давурттая бусаву мурадрай.
Февраль зурул 8-нний Журналистурал къатлуву цIуницIа Дагъусттаннал информациялул ва печатьрал министрну ивтсса УмархIусман ХIажиев хьунаавкьунни республикалул СМИ-рдал зузалтращал. П. Рамазанова Микку гьуртту хьунни ДР-лул ХIукуматрал цалчинма хъиривчу Анатолий Карибов ва Дагъусттаннал Журналистурал союзрал председатель Аьли Камалов. Мунал барча бунни цIуну къуллугъирттай бивтсса А. Карибов ва У. ХIажиев.
