ЗакондалуцIун даркьуну духьурча, утти инвалидшиву кка­ккан дан хьунтIиссар ччясса мутталий ва бигьану. Мунил хIакъираву бувсунни январьданул 21-нний ДР-лул ХIукуматрай халкь кьамул буллалисса чIумал.

Дагъусттаннал Росгвардиялул управлениялул пресс-къу­ллугърал хъунама, полициялул полковник Константин Шиян гьуртту хьунни Щалагу Аьрасатнавусса «Юнармия» тIисса суккушиндарал региондалул штабрал батIаврий.

Гьашину январьданул 1-нния шинмай Дагъусттаннай электроэнергиялулсса багьри лахъ хьунни, НДС-рал ставка 18 процентрая 20 процентрайн лахъан баврицIун бавхIуну ва республикалул тарифирттал къуллугърал хIукмулийн бувну.

Дагъусттаннай маэшат кIюласса кулпатирттавасса оьрчIан ЕГЭ дулун кумаг баву мурадрайсса проект «КIулшивурттал волонтертал» бартдигьин тIий бур.

Ларгсса шинал МахIачкъалалив 3,5 азарва ташу ва 11,7 азарва оьрчI бувну бур.

2018-2019 шиннардил «Лидеры России» тIисса управлентурал, (каялувчитурал), конкурсрал дачIифинал хъанай дур Пятигорскалий январьданул 25-27-нний шагьрулул Культуралул къатраву.

[dropcap]Э[/dropcap]кономикалул источникрал баян бунни Аьрасатнал Банкрал даврил практика лахьхьин Дагъусттаннал вузирдал студентътурайн оьвтIий бушиву. Мукунма жула студентътурайн Банкрал даврил практика лахьхьин оьвтIий бур Санкт-Петербургливсса банкрал хъунмур управлениялийнгу.

Халкьуннал творчествалун цIа кусса «Ссурулккуртта» тIисса ХVII ТIиртIусса Региондалул конкурсрайнсса давуртту кьамул дуллалиссар октябрьданул 30-нин. Гьашинумур конкурс хас дуллалиссар Театрданул шинан.

Вай гьантрай оьрмулул 80 шин бартлаглай дур ххаллилсса лаккучу, захIматрал ветеран, Читтурдал шяравасса Муслим ХIасановлун.

2018 шинал республикалул капитал ремонтрал программа бартдиргьуссар, бакьин був­ссар 50 чIявуквартирартту бу­сса къатта.