Июньдалул 1-нния тинмай ЖКХ-лул ГИС-лий (Государственная информационная система) сияхIрай къалавсъсса (регистрация къадурсса) управляющие организациярдай, ресурсснабжающие организациярдай ва кIанттул цилакаялувшиврул органнай 200 азарда къурушрал аьчIа дишин ккаккан бувну бур.
Ххал диргьунни Дагъусттаннал ЖКХ-лул 2015-2016 шиннардил ссутнил ва кIинтнил чIумалсса давурттал хIасиллу, 2016-2017 шиннардил ссутнил ва кIинтнил чIумуйн хIадур шаврил задачартту, ва мукунма 2015 шинал республикалул бюджет щаллу баврил масъала.
Ларгсса 2015 шин, билаятрал бакIчинал баян бувну диркIсса куццуй, Литературалул шин кIицI лагарду жура. Нагу ва иширацIун бавхIуну республикалул сайки циняв шагьрурдайн ва районнайн бивра, цаппара аьрххирду хьунни Дагъусттаннал кьатIувгу.
Вай гьантрай щалла дунияллий най дур 30 шинал хьхьичI апрельданул 26-нний Чернобыллай АЭС пIякь увкусса бала-апатIрацIун бавхIусса иширттан хасъсса батIавуртту ва дакIнийнбичавуртту. АЭС-рай хьусса пIякь учаву сававну, хъунисса зараллу
Муниципал къуллугъирттай зузиминнал Кьинилун хасну МахIачкъалаллал администрациялул конференц-залдануву хьунни шадлугърал батIаву. Цалва-цалва пишардай хьхьичIунну ва цIа данну зузисса пишакартуран батIаврий дуллунни личIи-личIисса бахшишру.
Апрель зурул 23-нний 400 шин там хьуссар Великобританиянал миллатрал хъуслин хIисавсса хъунасса Шекспир дунияллия лавгун. Билаятран цаярасса хъус хIисаврай Шекспирдул кьабивтун бур авадансса ирс – дунияллул литература ва театр баххана бан савав хьусса. 38 пьеса ва 154 сонет.
Гъан хъанай дур на ниттил увну там хъанахъисса урчIцIалла шинал лахъазан. Циняв ттул оьрмулул архIалчутал пахъ багьунни, бивхьунни аьрщаравух личIи-личIисса кIанттурдай – кьадар нясив бувний. Ттунгу, туну, анавар уккан багьлай бур ттулва оьрчIал тавакъю бартбигьин – бусан, чичин ттулва оьрмулул ххуллу-ххуттая.
ДР-лул миллатрал политикалул министр Татьяна Гамалей гьуртту хьунни апрельданул 22-нний Аьрасатнал Федерациялул Ухссавнил Ккавкказуллал иширтталсса байсса министерствалуву хьусса заседаниялий.
Дагъусттан Республикалул Миллатирттал иширттаха зузисса министерствалул, «Городские джунгли» тIисса квестру бувайсса сакиншинначитуращал цачIу, «Сокровища нации» тIисса этноквест буван хIадур хъанай бур.
Лакрал хьхьичIа-хьхьичIсса хан, Цалчинма Сурхай-хан, ивкIун ур хъинну чувшиву дусса, мудан цала ханлугъ гьарта-гьарза дуллай талати_сса феодал. Кураллал ХIажи-Давудлущал архIал ганал лавсъссар Щамаххиял шагьру. Муния мукьах туркнал султаннал ганая хан увссар.
