[dropcap]М[/dropcap]ахIачкъалалив Расул ХIамзатовлул цIанийсса Национал библиотекалий хьунни АьФ-лул Президентнал майрал хIукмурду щаллу баврин ва 2018 шинал мартрал 18-нний хьунтIисса АьФ-лул Президентнал бувчIавурттайн республикалул районнал ва шагьрулул округру хIадур шаврин хас дурсса батIаву. Муний гьуртту хьунни Республикалул Культуралул министерствалул бакIчи Зарема Буттаевагу.
Бадрижамал Аьлиева
[dropcap]Б[/dropcap]атIаву тIитIлай, ДР-лул БакIчинал Центральный территориялул округрайсса вакил Аь. Къарчигъаевлул кIицI лавгунни цалчинма-цалчин щаллу буван аьркинмур масъала бушиву бувчIавурттал чIумал ца кIанайн бавтIсса чIявусса инсантурал мюхчаншиву дуруччаву.
Мукунсса кIанттурдай дежурстварттай бацIан аьркинну бур «Анаварсса кумаграл», МЧС-рал, полициялул, ГИБДД-лул къуллугъру, бувчIавуртту дачинтIисса кIанттурду щаллу буван аьркинну бур чара бакъа аьркинсса техникалул.
ДР-лул Избиркомрал председатель МахIаммад Дибировлул бувсунни бувчIавурттал хьунийн ци давуртту дуллай буссарив, ци диял хъанай дакъассарив.
БувчIавурттайннин дуллалисса давурттаясса доклад бунни ДР-лул АТК-рал вакил Ровшан ХIажибалаевлулгу.
Зарема Буттаевал ихтилат бия АьФ-лул Президентнал «О мерах по реализации государственной социальной политики» тIисса ХIукму иширайну щаллу буллалаврицIун бавхIусса.
