Вай гьантрай Сириянал лагерьдая Обороналул министерствалул самолетрай Аьрасатнавун бувцуну бувкIунни 27 оьрчI, миннава 17 оьрчI биян бунни Дагъусттаннайсса мачча-гъанначIан. Андриана Аьбдуллаева Медициналул зузалтрал ххал дунни оьрчIал цIуллу-сагъшиврул тагьар, ларсунни коронавирусрал инфекциярагу дакъарив кIул бансса тестругу. Аьмну оьрчIал цIуллу-сагъшиврул тагьар оьккисса дакъар. ДакIнийн бутан, дяъвирду нанисса Иракьнал ва Сириянал билаятирттая балугъравун къабивсса Аьрасатнал оьрчIру бу­ккан буллалисса...

АхIмад-хан Султаннул цIанийсса МахIачкъалаллал аэропорт баян буллай бур, вай гьантрай соцсетирдай итталун багьсса, самолет пIякь увкунни тIисса информация тIайла бакъасса бушиву, МахIачкъалаливсса цинярдагу самолетру сагъ-саламатну душиву ва агьали ххилаххисса рейсирдан цукунчIавсса апатI къавхьушиву, инсантуран бавсса, гьаваллаву пIякь увкусса чIугу лер­ххун нанисса аьрали самолетрал бивкIшиву. Имара Саидова Аьрасатнал Обороналул министерствалул пресс-службалул бусаврийн бувну, цIанасса чIумал Дагъусттаннай...

РяхцIалунния ливчусса школарду гьуртту хьунни октябрь зурул 17-нний МахIачкъалалив, «Аьрасат – ттул тарихри» тIисса паркраву хьусса мюрщи инспектортурал проектраву. «ЮИД Ро­ссии» (юные инспектора движения России) цIанилусса проект хIадур дурну дур Аьрасатнал МВД-лул Госавтоинспекциялул КIулшивуртту дулаврил министерствалущал ва «НигьачIаву да­къасса ххуллурду» ООО-лущал цачIу , оьрчIру ххуллул низамрайн аьдат баву ва ми мюрщи инспектортурал кьюкьравун кIункIу баву...

[dropcap]Ш[/dropcap]адлугърал мажлис тIитIлай, ихтилат бунни Каспийскаллал ОМОН-лул командир, полициялул полковник Шамил МахIаммадовлул. — Отрядрал гьану бивзун цалчинсса гьантрая шихунмай зузалтрал хъуннасса хъар лархъссар жяматийсса низам ва агьалинал мюхчаншиву дуручлай, терроризмалул ва экстремизмалул иширттайн къаршину бавцIуну. 21 шинал лажиндарай отрядрал зузалтрал чирчуссар цимирагу цIанихсса лажин ихтиярду дуруччай органнал тарихраву. ДакIнийхтунусса барчаллагь тIий ура къуллугърал ветерантурахь жагьилминнащал...

Октябрь зурул 16-нний МахIачкъалалив хьунни Ниттил мазру лахьхьавриха зузисса центрданул итабавкьусса луттирдал презентация. Шикку гьуртту хьунни Республикалул Халкьуннал мажлисрал депутатътал, луттирдал автортал. Имара Саидова Дусшиврул къатраву презентация дуллай бия «Агъуллал магьри», «Яруссаннал мазрал синтаксисрал очеркру», «Телесный код культуры паремиологической картины мира дагестанских языков», «Язык и поэтика Г. Омаровой в межкультурной коммуникации» тIисса луттирдал. Презентациялул мажлис...