Щукру ЦIими ххисса, Хъунасса Аллагьнайн!

Дакьаву, Аллагьнал цIими ва хъиншиву чIа тIий ура зун!

ВСМУ (Всемирный союз мусульманских ученых) — щалла дунияллийсса бусурман аьлимтурал ва дуниявийсса ассоциациярдал ва ккураннал вакилшиву дуллалисса дунияллул идарар. Мунил ххуйсса арарду дуссар дунияллийцири бусурманнал ва аьрабнал чIарав бацIайсса, Палесттиннал масъалартту бувчI­лачIисса Аьрасатнал билаятращал.

Режимру лага-дучIайсса затрур, агьали ва рувхIанийсса ххазинарду личIайссар. Мунияту жу умудрай буру, гихунмайгу Аьрасат бусурман агьалинал чIарав бацIантIишиврийн. Жу дакIнийхтуну баян буллалиссару, ВСМУ-рал мурад бушиву анжагъ бусурманнал ва цайминнал ихтиярду дуруччаву, Аьрасатнащалсса хIала-гьурттушиврул мурадгу бусурманнал чIарав бацIаву мурадрайссар, билаят­рай паракьатсса тагьар ядаву мурадрайссар.
Жу кьянкьану дащуй дирхьуссия «ИГИЛ», баян бувссия му идаралул тIийкунсса «исламрал халифат» шариаьтрацIун ва жула заманнул хIакьмуницIун даркьусса дакъашиву. Масалдаран, Ингушетиянаву, Магасрай 2015 шинал май зурул 14-нний, «Умеренность в религии – путь к миру, добрососедству и прогрессу» тIисса цIанилу хьусса Международная конференциялий. Жун дурчIлай дур му террористътурал идаралул боевиктал Аьрасатнавун биян бюхъавриясса Аьрасатнал нигь ва дард. Жун бувчIлай бур Аьрасатнал, бунагь бакъасса тай инсантал кьатI буллалисса террористал бухлаган буваву мурадрай, гуж ишла буваву. Дунияллийцири бусурманнал ва Аьрасатнавуминнал хIурмат бусса жун ччай бакъар Сириянаву аьрасатнал агьлу литIлай. Аьрасатнал политикалуву жу цалийн къабувкIсса анжагъ Башар Асадлулмур иширавуру. Жул пикрилий, Сириянал агьалинахь дуссар ихтияр Асад тахлия укьан уван, аххана уван. Му аххана увансса ихтияр цайми билаятирттахь дакъа­ссар, так Сириянал агьалинахь дакъа. Жу рязийну буру, цайми билаятирттащал архIал, Аьрасат Сириянал агьалинал мурад дузрайн буккан бувансса чараннах луглай бушиврия. Аьрасатнал МИД-рал баян бунни сириянал оппозициянащал уртакьну зун хIадурну бушиву. Жун ччай бур Аьрасат Сириянаву дакьаву дишавривух гьуртту хьуну, так диктатортурал чул къабувгьунуча, Сириянал агьалинал мурадру хьхьичIун лавсун. МиннацIун кабавкьуну. Куннан кув къабувчIлачIисса кIантту къабикIаншиврул, Аьрасатнайн ва Аьрасатнал бусурманнайн багьлагьисса документру цIакь буван хьхьичI, Аьрасатнал бусурман аьлимтуращал маслихIат ккаккаварча ххуйну хьунссия.
Щайх Аьли МухIиддин аль-Къарадагъи, ВСМУ-рал генеральный секретарь, Фетвардал ва исследованиярттал Европанал советрал вице-президент