На муданагу, таксса ихтилатирттавугу, ттула макьаларттавугу, кIицI буллан икIара «Илчи» кказитрал коллективраву яла аварассагу, чIявусса къуллугъру бартбигьин багьлагьиссагу душиву Къардашов Русланнулмур даву. Ва цакьнива уссия кказитрал жаваб дулайсса секретарьну. Махъсса шиннардий ва уссия хъунама редакторнал хъиривчувну. Вана утти ва ивтун «Илчи» кказитрал хъунама редакторнугу.
Махъ бакъа, ванаяр хьхьичI диялсса шиннардий хъунама редакторну зий ивкIсса Руслан Башаевгу, журналистикалуву диркIссания «профессор» тIисса цIа, му цIанин лайкьсса инсанни, хIакьсса профессионалли. «КIия акьирча кьун бутайссар» тIисса учала бурхха жула. Мукун, лакрал культуралул га яла хъунмамур «кьун» вайннал ккуру бивтун нани бувнугу бивкIссар, бугу бувантIиссар.
Ттула чулуха Руслан Къардашов барча уллай ура ва жаваблувшиву хъуннасса къуллугъращал. Умуд бур ванал, жула кказитрал даву хъиннура капливун дуртун, чIявусса инсантал жула кказитрах луглаги булланссар тIисса.
Нагу зул муданасса дус-ихтивар
ХIажимурад ХIусайнов, ш. Вихьул
