С 14 по 17 января в Дагестане проходил семинар «Защита прав журналистов», организованный Союзом журналистов РФ, Союзом журналистов РД, Международной федерацией журналистов, Центром защиты прав СМИ. Программа семинара началась с пресс-конференции в Махачкале, посвященной безопасности журналистов. В редакции газеты «Истина» прошел семинар на тему «Техника юридической безопасности журналиста», который вела директор Центра защиты прав СМИ Галина АроноваЯнварь зурул 14-17-нний Дагъусттаннай ларгунни журналистурал ихтиярду дуруччаврил xIакъиравусса семинар («Защита прав журналистов»). Мунил сакиншинначитал бия АьФ-лул ва ДР-лул Журналистурал союзру, Дунияллул халкьуннал дянивсса журналистурал федерация, СМИ-рдал ихтиярду дуруччаврил центр.
Андриана Аьбдуллаева
Семинарданий гьуртту хьун бувкIун бия АьФ-лул Журналистурал союзрал секретарьтал Н. Ажигихина ва А. Копейка, СМИ-рдал ихтиярду дуруччаврил центрданул директор Г. Арапова, «Кавказский узел» интернет-порталданул хъунама редактор Г. Шведов, журналист-документалист С. Свистунова, «Слово и пуля» тIисса кинорал автор, машгьурсса режиссер, «Золотая лента» студиялул каялувчи Е. Головня. Ва кинорал премьерагу хьунни семинарданул лагрулуву. Семинарданул программалул дайдихьу дунни МахIачкъалалив хьусса журналистал мюхчан баврин хас дурсса пресс-конференциялул. Му дакIний-мазрай дакъасса конференция дан багьана хьунни «Новое дело» кказитрал журналист АхIмаднаби АхIмаднабиевлул оьрмулийн кьаст лахIаву. Пресс-конференция къуртал хьуну махъ журналистурал аьрххи бия Гъунив. Журналистурал ихтиярду дуруччаврил хIакъиравусса цалчинмур семинаргу шикку хьунни. Журналистурал семинарданул лагрулуву «ХIакьикьат» ва «Черновик» кказитирттай хьунни практикалул занятияртту ва ккаккан дунни журналистураясса документальный кинорду. Махъра-махъсса кьини «ХIакьикьат» кказитрал конференц-залдануву ларгунни журналистурал ихтиярду дуруччаврил хIакъиравусса конференция. Му дачин дурну бия СМИ-рдал Ихтиярду дуруччаврил центрданул директор Галина Юрьевна Арапова. Ванил бувсунни махъсса 16 шинал лажиндарай цалва центр журналистурал ихтиярду дуручлай бушиву. Бувсунни хIакьинусса кьини жучIава хъинну чанну бушиву медиа-юристал, журналистал хIадур байсса дуккаврил идарарттавугу журналистурал цала ихтиярду дуруччаврия гьарта-гьарзану лахьлай бакъашиву.
— ПасихIну, ххуйну чичин бакъассагу, журналистнан кIулну бикIан аьркинссар цува жаваблувшиннарайн кIункIу къаансса куццуй чичингу, цалла ихтиярду дуруччингу. Жулла хIукумат дур яла чIявуну журналистал литIлатIисса ва ми иширттал хъиривлаявуртту къадуллалисса ацIра хIукуматрал сияхIраву. ХIакьинусса кьини журналистал судрайн буллалисса ишру хъинну чIявусса бур. Редакциярдай цалва юристал бакъахьувкун, суд-диваннахун агьсса журналистнан цахлува цанма талан багьлай бур. Укунсса иширттава марцIну укканшиврул журналистнан ххуйну кIулну бикIан аьркинссар цала бурж ва ихтиярду, — увкунни Г. Араповал. Ванил кIицI лавгунни журналист судрахун агьансса нигьачIаву дусса цаппара кIанттурду:
— инсан оькки-ккаккул аву, мунал цIа кьюкьин даву, бакъу бишаву. Ца мукъуйну учин «диффомация»;
— инсаннал оьрмулул цинявннал хьхьичI аьч бан къабучIимур аьч баву;
— закондалул кьюлтIну буручлачимур ашкара баву;
— балугъравун къабивминнал оьрмулул ишру миннал ихтиярду дуручлачиминная рязишинна дакъана аьч баву;
— инсанная бусласийни криминал махъру ишла баву, ялун цIарду дизлазаву;
— экстремизм, миллатирттал, диннал дянив дичаву;
-Авторнал ихтиярду къадуруччаву, автор ккаккан къаувну мунал чивчусса текст ягу сурат ишла даву ва м.ц.
Г. Араповал бувсунни шинал лажиндарай цалва центрданул 100-хъул журналистал буруччайшиву Аьрасатнал ва Европанал судирттай, мукунма онлайн режимрай цайнма бувкминнан консультациярду дайшиву.
