Вай гьантрай Лакрал райондалийн бувкIунни ДР-лул Ххуллурдал агентствалул каялувчи Загьид Хочбаров; ва идаралул отделданул каялувчи Зиябуттин ХIажимирзаев; ва идаралий зузисса Лакрал райондалиясса депутат Сяид Аьбдуллаев.
Райондалул бакIчи Юсуп МахIаммадовлущал вай ялтту бувккунни ШавкIравсса ххуллул шамбачIулия Ххюлусмавсса ххуллийн бияннин дуллалисса давурттал. Ххал бунни ШавкIрату Щарав ламу бансса кIану. Ивунни гъявгъа байсса ва асфальт бай заводру бантIисса кIанттурдайн.
