Гьашину ноябрьданий Дагъусттаннай Роспотребнадзорданул сияхIрайн лавсун бур эпидем паротит азарданул къашавай шаврил кюру – МахIачкъалаллал 5-мур лицей. Къашавай хьуну бур 10 оьрчI-бакI.
[dropcap]М[/dropcap]ува идаралул ккаккиярттайну, ДР-лий гьашину ноябрьданий лахъай азардал ва паразитар азардал цачIу къашавай хьуну ур 11419 инсан. ДукIу къашавай хьуссар мура чIумал 11185 инсан. Гьашину къашавай хьуми гьарза хьуну бур 2,1%.
Лахъай азардаву республикалий ххюттукалул азардал хьхьичIунсса кIану бугьлай бур – 38,1% (дукIу – 43,5%). Гьашину ххюттукалул азардал къашавай хьуну ур 768 инсан (дукIу – 856). Къашавай шаву чан хьуну дур 10,3%.
Гьашину ноябрьданий республикалул 21 райондалий сияхIрайн лавсун ур дизентериялул къашавай хьусса 132 инсан.
[dropcap]Ч[/dropcap]Iявусса къашавай хьуми бур МахIачкъалаллал лагмасса шяраваллавасса, микку хIачIай щинал тагьар къаххуйсса душиврийн бувну. Ми шяраваллавун най дур марцI къадурсса канализацияртту, чапалшивуртту, лагмасса кIанттурдайн щин экьи най дур тIиртIуннасса къанаврттавух.
Лахъай азардаву республикалий ххюттукалул азардал хьхьичIунсса кIану бугьлай бур – 38,1% (дукIу – 43,5%). Гьашину ххюттукалул азардал къашавай хьуну ур 768 инсан (дукIу – 856). Къашавай шаву чан хьуну дур 10,3%.
[dropcap]М[/dropcap]ахIачкъалаливгу дизентериялул къашавайсса гьарзану бур, мунил савав дур чIявусса машлул объектру, дукра дайсса кIанттурду бушиву. Ттигу-шилагу дакъар ми кIанттурду марцI буккан баврил генерал схема. Мунияту хьхьара хъанай дакъар республикалий санитар-эпидемиологиялул тагьар.
Гьашину ноябрь зуруй сияхIрайн лавсун ур эпидем паротитрал къашавай хьусса 101 инсан, мусикъепрал къашавайсса 56 инсан.
Паротитрайн къаршисса жалгъа-ххалаххив бувну бур 10546 инсаннайн (пландалул 21,4%).
ХIадур бувссар
ХI. Аьдиловлул
