Республикалул сайки 165 школалул хIаятирттавун вай гьантрай бувхссар цIусса мюрщи автобусру.
З. АьбдурахIманова
[dropcap]В[/dropcap]а хъуннасса ххаришивур архсса зунттавусса щархъал оьрчIангу, миннал нитти-буттахъан ва учительтурангу. Утти вайннул бугьантIиссар 10 шинал хьхьичI дуклаки оьрчIру ххилан буллуну бивкIсса автобусирттал кIану. Бухми автобусру нигьачIисса тагьарданий бивкIшиврул масъала ДР-лул БакIчи В. Васильевлул цала къулагъасрайн лавсун бивкIссар.
Ларгмур шиналла ванал сипталий республикалул бюджетрава итадаркьуну дур 95 автобус ласунсса 186 млн. арцул, 70 автобусгу лавсун бур федерал бюджетрава итадаркьусса субсидиялул арцух.
ДР-лул КIулшивуртту дулаврил министерствалул бусаврийну, цIусса автобусирттал щаллушиндараха ва шиналгу зунтIиссар.
