Театрданул шинал дуллалисса давурттаву А. Къапиевлул цIанийсса Лакрал паччахIлугърал музыкалул ва драмалул театр гьуртту хъанай бур Культуралул министерствалул кабакьулийну щурущи дурсса «Культура» тIисса национал проектравух.
[dropcap]М[/dropcap]унил лагрулий Аьрасатнал ххюва шагьрулий ккаккан бан дакIнийну бур Н.В. Гоголлул «Ревизор». Режиссер-постановщик – Чачаннал ва Аьрасатнал халкьуннал артист Руслан Хакишев, сценограф – Дагъусттаннал халкьуннал художник И-Х. Супиянов.
ДакIнийн бутанну, спектакльданул премьералий уссия Республикалул БакIчи Владимир Васильев. Спектакльданий дакI даркьусса БакIчинал гихуннайгу муних хъуннасса къулагъас дурунни. КIулшиву дулаврил министрнан маслихIат бунни спектакль дуклаки оьрчIал ва студентътурал ххал бан.
КIулшиву дулаврил министерствалул кабакьаврийну ларгсса хамискьини спектакль ккаккан бунни Дарбант шагьрулул Гуманитар педагогикалул колледжрал ва Музыкалул училищалул студентътуран, Кадетский корпусрал ва цаппарасса школарттал дуклаки оьрчIан.
ДакI даркьунни ттун Дарбант шагьрулул жагьилтурай. ШапI куну бувцIусса С. Стальскийл цIанийсса Лазгиял театрданул хъунмур залдануву щилтагъсса чIитI баллай бакъая. Спектакль къуртал шавривун, лавай бивзун, хъунмасса хIаллай хъатру ришлай бия.
[dropcap]Я[/dropcap]лув кIицI лавгсса куццуй, «Ревизор» спектакль ккаккан бан дакIний бур ттигу мукьва шагьрулий. Итникьини му ккаккан бантIиссар Нальчик шагьрулий. Муния махъ – Избербаш, Хасавюрт ва Грозный шагьрурдайгу.
