Словениянаву 2012-2013 шинал ДР-лул печатьрал ва информациялул министрну ивкIсса Нариман ХIажиев увгьуну ур.
Цува ва хIукуматрал дуснакьрай ушиву ванал чивчуну бур цала социал сетирдай. КIирагу хIукуматрал дянивсса чагъардацIун дархIуми давуртту дузал дурну махъ, Н. ХIажиев Аьрасатнавун увцуну бучIантIиссар.
***
МахIачкъалалив, Советский райондалул судрал хIукмулийн бувну, хасъсса хъиривлаявуртту дурну, ца чулийн букканнин, кIива зуруйсса дуснакь бувну бур Сириянавусса къачагътурал кьюкьран арцурду тIайла дуклай бивкIсса кIива жагьилсса хъамитайпа.
СКР-данул вакил Светлана Петренкол бусаврийну, цаппара хъиривлаявурттайн бувну, тасттикь бувну бур Иминат Разахановал ва Шанисат ХIайбулаевал банкрал цала карточкардая Сириянавусса талатавурттавух гьурттусса къачагътурал счетирдайн кIиннилагу аьмну 400 азаруннийн дирсса арцу тIайла дурккун диркIшиву. Вайннул хIакъираву цIана силистталул давуртту най дуссар.
***
Ноябрьданул 8-нний Сургутрая МахIачкъалалив лерххун нанисса самолетрай Екатеринбурграясса оьрмулул 66 шинавусса адимина ивкIуну ур. ЦIана ганал цIуллу-сагъшиврул ци тагьар диркIссарив ххал дуллалисса медициналул хъиривлаявуртту най дур.
ХIадур бувссар
З. АьбдурахIмановал
