[dropcap]М[/dropcap]ахъсса 2 шинал дянив Дагъусттаннай бувну бур 30 шяраваллил хозяйствалул муштаритурал кооператив (СПоК), миннувату 11 – зунттал районнай.
Дагъусттаннал Минсельхозрал ккаккиярттайн бувну, СПоК-ру баврийну бюхъантIий бур цачIун дуван цивппа заллусса хозяйствартту (ЛПХ), цIана зузисса паччахIлугърал чулухасса кумаг баврил иширттавух ва паччахIлугърал ва муниципал аьркиншиндарансса сурсатру машан ласаврил давурттавух гьуртту хьуншиврул.
Масалдаран, ризкьилул ва ххяххияртту дугьаврил сурсатру лази-лакьи дуллалисса идарарттан кумаг баврил иширттан бюджетраву ккаккан дурну дур 140 млн. къурушру.
ДР-лул бюджетраву личIину ккаккан дурну дур 80 млн. къурушру мюрщисса теплицарду, логистикалул центрду бувансса субсидиярттан.
ЦIанасса ппурттуву зунттал районнай шяраваллил хозяйствалул давурттаха зий дур 702 сакиншинна, 5,7 азарда хъузалтрал ва фермертурал хозяйство ва 205 азарунния лирчусса цивппа заллусса (подсобные) хозяйствартту. Микку зий бур 185 азарунния ливчусса инсантал.
