ЖКХ-лул багьри гьаз хьунтIий бур

Аьрасатнал хIукуматрал баян бунни цIусса шинал ЖКХ-лул багьри гьаз хьунтIишиву.

Багьри яла гьаз хьунтIимур регионгу Ухссавнил Ккавкказри тIий бур. Яла лахъми тарифру дур Чачаннаву, багьри гьаз хьунтIий бур 6,5% , кIилчин ххуттай ва сияхIрай бур Къабардин- Балкьар (5, 4%), хъирив – Дагъусттан ( 5,2%) ва Ингушетия ( 5,1%). Аьрасатнал махъми регионнай гьаз хьунтIий бур дянивну 3-4 %, Ненецнал округрай – 2 %. Багьри гьаз хьунтIий бур 2020 шинал кIилчинмур дачIишинай.

Аьрабустта­-ннайн­сса самолетру
декабрьданий лехлантIий дур

МахIачкъалалия Жиддалийнсса (Саоьдуллал Аьрабусттан) цалчинмур самолет леххантIий дур декабрь зурул 20-нний. Рейс нюжмардий кIийлла дикIавантIиссар. Вай хаварду бувсунни ТАСС- рал журналистътурахь «Марва-тур» тIисса хIажлилсса буллалисса компаниялул гендиректор Булат Кьурбановлул. Октябрь зуруйва «Ютейрданул» пресс-службалул баян бувна Аьрасатнал кьиблалия цалчин Аьрабусттаннавун­сса рейс тIитIлай бушиву.

Лахъазаннайн гьаз шаврил рекорд

Непаллаясса альпинистнал дунияллий яла лахъсса 14 лахъазандалийн гьаз шаврил рекорд ккаккан дурну дур. Оьрмулул 36 шинавусса Нирмал Пурка тIисса (псевдоним Нимс) альпинистнал апрель зуруй баян бувну бур цува дачIи шинал лажиндарай 14 бюхттулшиврийн гьаз хьун дакIний ушиву. Ккаккангу дурну дур цIусса рекорд. Уттинин укуннасса рекорд ккаккан дур­ссия Кьиблалул Кореянаватусса альпинистнал. Так му 14 лахъазандалийн гьаз хьу­ссия 7 шинал мутталий.

Мурхьру бугьаврин – миллион доллардал

Американал инженер, миллиардер Илон Масклул ца миллион доллардал личIи бувну бур мурхьру бугьаврин. Вай арцух 1 миллион мурхьирдал планеталий бугьансса ниятрай зунтIий бур, ца мурхь бугьаву ца долларданун дацIлай дусса дур.

ХIадур бувссар
П. Рамазановал