Ларгсса шинал МахIачкъалалив 3,5 азарва ташу ва 11,7 азарва оьрчI бувну бур.

З. АьбдурахIманова
Хъуншагьрулул ЗАГС-рал дурсса хIасиллайн бувну, 2018 шинал ташурду бувсса наврузбагтал ва жалинтру, ца жула дагъусттанлувтал бакъасса, бивкIун бур Азирбижаннавасса, Украиннаясса, США-навасса, Канаданавасса, Германнавасса ва Италиянавасса.

Ташурду бувсса жагьилтал дянивну оьрмулул 25-30 шинну хьусса бур. Мисалдаран, ларгмур шинал щар хьусса яла чIавамур жалиндалун 17 шин диркIун дур, наврузбагтураву – 18 шин. Оьр­мулул яла угьарама наврузбагнан диркIун дур 61 шин, жалиндалун – 57 шин. МахIачкъалалив яла чIявусса хъатIив бувну бур ларгсса гъинтнил август зуруй ва сентябрьданий. Яла чансса ташурду бувну бур майрай ва Зумаритавал зуруйн тIайла бавцIусса июньдалий.

2018 шинал личIи хьуну бур 1060 лас-щар. ЗАГС-рал пишакартурал бусаврийну, шиная шинайн ташурду ливсса ишру чIяву хъанай бусса бур. ХъунмурчIин лас ва щар личIи шаврил сававртту арцу диял къахъанахъаву, къатта-къуш бакъашиву, давур­тту дакъашиву, нину-ппу, уссур-ссу хIала бухлахаву дусса дур.

МахIачкъалаллал 30 кулпат­раву бувну бур кIинничалт, ца кулпатраву – шанничалт, 19 оьрчI бувцуну бур цIусса кулпатирттавун цалашиврий битан.
2019 шин дайдирхьуния шинмай жула хъуншагьрулий 400 чIивитIу увну ур.
Ларгмур шинал бувсса душвавран яла чIяруну дизайми цIардуну диркIун дур Сафия, Ххадижат, Амина, Аьйша, ПатIимат ва Сумая. ОьрчIан – МухIаммад, Рамазан, Оьмар ва Абубакар.