2018-2019 шиннардил «Лидеры России» тIисса управлентурал, (каялувчитурал), конкурсрал дачIифинал хъанай дур Пятигорскалий январьданул 25-27-нний шагьрулул Культуралул къатраву.
Тикку гьуртту хьунтIиссар СКФО-лиясса сайки 300 каялувчи, миннал конкурсрал хьхьичIмур ятIапрай хьхьичIунми хIасиллу ккаккан дурссар. Шадлугърал тагьарданийсса тIитIаву хьунтIиссар январьданул 26-нний.
ХIасан Аьдилов
Конкурс дуллалиссар АьФ-лул Президентнал тапшур баврийну. Мунил мурадну хъанахъиссар бажар бусса, ххуйсса каялувчитал ялун личин баву.
Конкурс дайдирхьуссар дукIу октябрьданул 10-нний, сияхIрайн лавсун бивкIссар Аьрасатнавасса ва 68 чил билаятирттаясса 227 азара гьурттучи.
Гьашину январь-февраль зурдардий циняв федерал округирттай хьунтIиссар регионнал дачIифиналлу. Финал хьунтIиссар мартрай. Ххув хьуминнан дулунтIиссар 1 млн. къурушрал грант.
