Ларгсса нюжмардий жулла республикалийн шагьрурдал ва районнал школарттайх бачIинсса луттирду лавсун бувкIунни. Миннува 400 азарва лу МахIачкъалаллал школарттан булунтIиссар. Ванийну 100% луттирдал щаллу хьунтIиссар шагьрулул школарттай 2-11 классирттаву ккалаккисса оьрчIру.

З. АьбдурахIманова
Шиккува кIицI лаган, ц­аппа­ра зурдардил хьхьичI Да­гъусттаннал школарттай лу­ттирду биялну бакъашивриясса ихтилат гьаз бувну бивкIссар Владимир Васильевлул Аьрасатнал ХIукуматрал председатель Дмитрий МедведевлучIасса батIаврий. Премьер-министрнал хIукмулийну билаятрал бюджет­рава луттирду машан ласун итадаркьуну дур 607 миллион арцул ва республикалул бюджет­рава – 220 миллион арцул.

[dropcap]М[/dropcap]ахIачкъалаллал кIулшивур­тту дулаврил управлениялул пишакартурал бусаврийну, гьашину шагьрулул школарттай 1-7 классирттаву дуклакисса оьрчIру луттирдал щаллуну бу­сса бур 99 %, биялну бакъасса бур так ингилис мазрал луттирду. 8-11 классирттаву дуклаки­сса оьрчIру тIурча, щаллуну бу­сса бур так 38- 40 %. Утти лу­ттирду бакъа къаличIантIиссар цаягу оьрчI.
ЦIана луттирду бусса бур МахIачкъалаллал 60-мур ва 61-мур школарттай. Штрих-кодругу бивщуну, дагьайсса чичрурдугу дурну, ччясса мутталий вайми школарттайнгу биян буллай байбишинтIиссар.