2015 шинал ООН-далул кьамул дурссар 2030 шинайннин щурунтIисса, цурдагу щалла дунияллийсса халкьуннан агьамсса масъаларттаха зунтIисса программа.

З.АьбдурахIманова
2017 шинал Аьрасатнал жагьилтурал ва оьрчIал сакиншиннардил национал советрал Москавливсса ООН-далул информ центрданулгу, АьФ-лул КьатIаллил иширттал министерствалулгу, МГИМО-лулгу чIарахбацIаврийну кьамул дурссар «Молодежные посланники ЦУР России» тIисса программа.

Ванийн бувну, гьарца шинах язи бугьлантIиссар гьунар бусса, ЦУР (Центр устойчивого развития)-лил мурадирттая буслантIисса, ванил даву машгьур дуллантIисса 17 жагьил. Конкурсрай гьуртту хьун ихтияр дуссар 18-30 шиннардивусса жагьилтурахь Ванил агьаммур мурадгу бур граждан обществалул масъаларттаха зун бюхъайсса,ООН-далул принципругу кIулсса, мунил даража лахъ бансса кIулшивурттугу, каширдугу дусса халкь лагма лаган баву.

ЦIана билаятрай вай жагьилтал язи бугьлагьисса конкурсру щуруй дуссар. Конкурсрая махъ Аьрасатнал ЦУР-данул вакилтал гьуртту хьунтIиссар шинай кIийла шайсса хъунисса конференциярттай, зунтIиссар хасъсса масъалартту щаллу буллантIисса программарду сакин давриха.