[dropcap]О[/dropcap]ьрмулуву бигьами ва захIматми ишру цуми буссарив кIул хъанан бикIай лащан бавурттайну. Уттисса оьрчIал ду­ккаврил тагьар бигьасса дакъар, оьрму бур хъинну захIмат хьуну ЕГЭ ду­кканнин дуклай бивкIминнал чIумух бурувгун. Амма бур Суворовлул зумату бувксса «Трудно в учении, легко в бою» тIисса аькьил­сса махъру.

ЦIанава бур гьашину школа къуртал буллалисса оьрчIру шинал ахирданий чара бакъа дулун аьркинсса хIисаврттал ЕГЭ-лийн хIадур хъанай. Му хIадур хъанахъавугу дусса дур щала Аьрасатнал школарттай нани­сса давуну. Мунийн бур мониторинг тIий.

Ваччиял школалул директор Бажи АхIмадовнал бувсуна февраль зурул 21-нний му мониторинграл лагрулийсса экзамен дуллай бушиву 11-мур классрал дуклаки оьрчIру. Экзамен лахъи лагайсса дия шанна ссятрайсса.
ТIайлабацIу баннав жула оьрчIан!